薄荷葉泰國菜

營業中

休息中

今次得兩條友黎食飯,應該都叫得唔多嫁喇,又細食,所以就主攻我地自己鍾意既野,就叫左一個細既冬陰公湯同一個咖喱蟹之後,就係叫左咁多,不過都驚食唔哂。佢個冬陰公湯真係好好味嫁,岩岩黎到就已經有一陣香味，好香好香,一入口，好濃郁,酸辣又整得岩岩好,好好飲。料都好足,有好多隻蝦,香料同埋好多雜菌,雖然話係細，不過份量其實都唔細。咖喱蟹,依個真係要讚,份量真係好多,而且蟹好新鮮,咖喱又做得唔錯,香滑，跟埋薄餅同飯真係一流,真係一定停唔到口，成隻肉蟹係你面前,蟹肉真係十分鮮甜，對於兩個都鍾意海鮮，當然鍾意依個，而且價錢唔貴,十分抵食。薄餅就唔錯,不過唔算好出色,不過不失，不過個咖喱夠哂好食, 所以唔緊要,就算個薄餅唔算太好都無影響。