影片
更多
2014-04-30
435 瀏覽
同朋友行開灣仔, 冇諗定夜晚食咩好, 見到呢間越南野好似新開, 就決定試試佢!本來想散叫一人一個粉, 然後再叫d小食既, 不過朋友懶諗, 於是叫個二人餐算~其實真係好豐富, 我地既選擇係雞、牛串燒每款2串, 漢堡香茅燒豬扒, 馬拉盞炒嫩菜, 開頭以為個牛脊湯粉係一碗兩人share, 原來其實係一人一碗既, 最後仲有一碗甜品, 當晚係黑糯米糖水!!率先上菜既馬拉盞炒嫩菜啲菜好鮮, 炒得都好惹味, 我本來對炒菜只係要求正常水準就算, 但呢碟係意外驚喜之作跟住就上個牛脊湯粉本來我都唔知同普通既牛肉湯粉有咩分別, 食落原來真係滑啲串燒係正常水準, 我諗因為掛住食其他野有少少攤凍左佢, 如果唔係應該會有更佳水準個豬扒呢, 真係稱得上係「抵食夾大件」, 比想像中真係份量多好多, 而且好食, 厚切得黎唔靭, 我諗成晚黎講我最like呢個最後一人一碗黑糯米糖水做甜品, 上面果碗係搞暈個樣, 下面果碗係未搞暈個啦。個人黎講我對甜品一般, 不過我朋友對佢好評!!總結黎講呢一晚算係驚喜, 本來只係隨意揀一個食店去試下, 不過呢如果兩個人其中一個食量細啲既話就建議散叫會好啲, 因為佢個份量真係幾足, 我朋友比
本來想散叫一人一個粉, 然後再叫d小食既, 不過朋友懶諗, 於是叫個二人餐算~
其實真係好豐富, 我地既選擇係雞、牛串燒每款2串, 漢堡香茅燒豬扒, 馬拉盞炒嫩菜, 開頭以為個牛脊湯粉係一碗兩人share, 原來其實係一人一碗既, 最後仲有一碗甜品, 當晚係黑糯米糖水!!率先上菜既馬拉盞炒嫩菜
啲菜好鮮, 炒得都好惹味, 我本來對炒菜只係要求正常水準就算, 但呢碟係意外驚喜之作跟住就上個牛脊湯粉
本來我都唔知同普通既牛肉湯粉有咩分別, 食落原來真係滑啲
串燒係正常水準, 我諗因為掛住食其他野有少少攤凍左佢, 如果唔係應該會有更佳水準
個豬扒呢, 真係稱得上係「抵食夾大件」, 比想像中真係份量多好多, 而且好食, 厚切得黎唔靭, 我諗成晚黎講我最like呢個
最後一人一碗黑糯米糖水做甜品, 上面果碗係搞暈個樣, 下面果碗係未搞暈個啦。個人黎講我對甜品一般, 不過我朋友對佢好評!!總結黎講呢一晚算係驚喜, 本來只係隨意揀一個食店去試下, 不過呢如果兩個人其中一個食量細啲既話就建議散叫會好啲, 因為佢個份量真係幾足, 我朋友比較細食, 結果食淨左啲豬扒(我覺得幾可惜)!希望有機會可以試下佢其他菜式!!
張貼
