占美餅店 (已結業)

我同爸爸食完金翠羊鞍後準備搭車回家,經過占美餅店,我視線被門口餅櫃內嘅鬆餅曲奇餅吸引,於是入餅店內參觀......原內店裏有更加吸引我嘅西餅--合桃牛油蛋糕($4.5)及香蕉蛋糕($7),外表樸素,令我想起讀幼稚園時每次舉行生日會嘅歡樂時光,同學仔都會得到一盒兩件嘅蛋糕,外貌就如占美蛋糕一樣,於是我將兩款蛋糕買回家.因為爸爸戒吃甜食,所以兩款蛋糕最後都被我食清光.合桃牛油蛋糕--質地結實,有牛油香但唔會過於油膩,有合桃,抵食!香蕉蛋糕--含有肉眼都睇到嘅香蕉纖維,蛋糕充滿香蕉香味而唔係假假嘅香精,真材實料,抵讚!下次逛完花墟,我又多一個享受平食嘅選擇!