更多
2014-02-04
9944 瀏覽
記得第一年同老公過生日就係去咗Jimmy's kitchen, 7年後嘅生日我地又去返呢度。一坐低就有一盤麵包拎過嚟俾我地揀,我地每樣要咗一件,基本上都幾好味,幾新鮮,幾鬆軟我地食咗好多嘢,Baked Onion Soup洋蔥湯:見個個嚟親都話要飲,我地都一人叫咗一個,好香好濃嘅芝士面,焗過之後真係特別香,個洋蔥湯又都幾清喎,呢個好味👍Chick Madras乾咖喱雞:有一盤提子花生橙醬⋯用來點薄脆食,個雞當然係無雞味,不過個乾咖喱好食,不過都幾辣,好少食乾嘅咖喱,紅色嘅就食得多,黃色嘅都係第一次,好濃味,粉粉哋,幾得意,愈食愈辣,好飽⋯如果你無食過真係要試一次Fish and chips: 個炸魚好新鮮,好有魚味,個炸粉都幾厚,不過好脆Apple crumble: 好食,夠多蘋果,上面啲好似曲奇嘅脆脆真係好夠脆,加埋個雲尼拿汁好夾Jimmy Satellite: 本身其實想食火焰雪山,不過實在太飽,見到呢個都有火,就叫嚟試下,一個蛋糕包住個雪糕,先淋橙酒上面,點火,再淋士多啤梨汁,又凍又熱都幾特別老公叫咗杯margaritas,我叫咗杯Boston beach party,老公話佢嗰
記得第一年同老公過生日就係去咗Jimmy's kitchen, 7年後嘅生日我地又去返呢度。
一坐低就有一盤麵包拎過嚟俾我地揀,我地每樣要咗一件,基本上都幾好味,幾新鮮,幾鬆軟
我地食咗好多嘢,
Baked Onion Soup洋蔥湯:見個個嚟親都話要飲,我地都一人叫咗一個,好香好濃嘅芝士面,焗過之後真係特別香,個洋蔥湯又都幾清喎,呢個好味👍
Chick Madras乾咖喱雞:有一盤提子花生橙醬⋯用來點薄脆食,個雞當然係無雞味,不過個乾咖喱好食,不過都幾辣,好少食乾嘅咖喱,紅色嘅就食得多,黃色嘅都係第一次,好濃味,粉粉哋,幾得意,愈食愈辣,好飽⋯如果你無食過真係要試一次
Fish and chips: 個炸魚好新鮮,好有魚味,個炸粉都幾厚,不過好脆
Apple crumble: 好食,夠多蘋果,上面啲好似曲奇嘅脆脆真係好夠脆,加埋個雲尼拿汁好夾
Jimmy Satellite: 本身其實想食火焰雪山,不過實在太飽,見到呢個都有火,就叫嚟試下,一個蛋糕包住個雪糕,先淋橙酒上面,點火,再淋士多啤梨汁,又凍又熱都幾特別
老公叫咗杯margaritas,我叫咗杯Boston beach party,老公話佢嗰杯正常,我嗰杯就好藥水
呢間餐廳真係好多外國人,加上啲裝修,都幾有懷舊嘅感覺,不過我都覺啲staff對外國人嘅反應同態度係好啲
張貼