芽莊越式料理 (已結業)

中午1點幾鐘去吃飯，注定都系要等位，於是就去左芽莊。門口如常排長龍，不過好彩，其實冇想像中需要排甘耐，大概12個號，都系排左15分鐘。好開心好快就可以入座。我叫左河內番茄蟹檬(我簡稱佢為”河蟹“檬)。因為天氣冷，真系好想吃碗熱辣辣的湯檬，於是就pick左呢款湯檬，夠特別。湯底酸酸甜甜，好好味。有幾片越南紮肉，湯底有D蟹殼，有一粒粒的蟹肉，有幾粒肉丸，口感很好，料很足。雖然比起同地段的其他越南粉，芽莊相對較貴，但系我覺得出品系最好，一飲個湯就知道系用心熬製。強烈推薦!