林太叻沙xo魚湯米綫專門店 (已結業)

今日同女朋友兩個人係午飯時間去到東大街，見到有一間XO魚湯米線，就覺得好新奇，想入去試下。入到去，發現餐牌選擇唔多，於是就同女朋友分別叫左 喇沙米線 同 酒香魚湯米線 (似乎無第三樣野係米線) 我就食 酒香魚湯米線 ，一來到見到個白色頭底，以為會幾好。點知一試個味，d酒味勁重。變到好似飲酒咁，一d魚湯味都無 都算，米線平平無奇，連譚仔都不如，餸就要少得可憐，魚片係魚肉切片，有骨，還可以。最可取係炸魚皮，算係最好味。$38？你唔好玩啦！廚師根本係浪費食物，而且當d客係水魚。咁我女朋友食個喇沙米線呢？女朋友話唔好食，完全無味，只係得個辣字。都算！最經典係佢果兩粒魚蛋。我試左其中一粒，一陣怪味，口感好似食緊爛肉咁。點解你收$48...可以選用一d咁差的魚蛋？真係街邊食$5 6粒果d都好食過佢幾倍 食完，錢就用左$86，但係就一d滿足感到無。個米線只係食左一半。我肯定唔會再幫襯呢間野。勸大家都係唔好太大期望。