Masala (已結業)

本來係來呢度食焗飯的，但點知冇開，就試下呢間印度野。我地一坐得就有脆薄餅食，點ｄ薄荷汁幾好味。朋友話呢ｄ野好難整架喎，但我地唔駛一分鐘就食晒。我地叫左一個咖哩魚同一個masala羊肉。由於我唔係好食得辣所以幾佢少辣，但點知係走辣，對食得辣的朋友真係唔好意思。佢呢個set就包一碗蘿蔔湯，都幾好味的，有咖哩，有飯，有naan，食完都飽到上喉嚨，仲加左錢飲賣飛佛mango lassi。本來要加我25蚊的，但老細見我地飲兩杯就減到２０蚊，食飯都有價講，唔錯。呢度入夜有好多印度鄉里來食，又可以睇bollywood mv，環境都幾好。