迎‧潮 (已結業)

新開的商場THE ONE, 吸引了我去飲茶. 因為據友好講酒樓個 "VIEW" 無得頂上到去, 廿幾人塞喺個車立口度等, 有位已經係幸運, 想坐海景WINDOW SEAT, 願望已經落空, 唯有自己行埋去望一望啦, 哇 都幾高, 但如果放煙花又係無得彈的點心我食左黑魚子燒買, 棉花雞, 义燒腸, 馬拉千層糕同一口潮州粉果比較好食係個馬拉千層糕, 糕身幾軟熟, 椰汁味香噴噴的, 賣相都幾靚, 黑魚子燒買除左係幾粒黑魚子之外, 其實同普通燒買無分別, 不過味道都OK啦义燒腸就又係SELL賣相, 但腸粉本身唔算好突出, 粉皮唔係好薄同好滑, 不過都係OK啦潮州粉果我都係鍾意比較大SIZE的, 咬落要熱辣辣同有汁先好食 (即係R花生同白蘿蔔粒都有汁嗰種), 呢度的就太細粒, 一口潮州粉果的方向似乎唔係好WORK 棉花雞就真麻麻了, 魚肚有陣怪味餐茶唔討厭的, 但除風景之外, 又無一個好特別的理由要我專登再上嚟