合隆麵家魚蛋大王 (已結業)

合隆, 這個名字, 其實我未聽過, 真係「失覺晒」!聽聞它是魚蛋大王, 又有特色湯底, 於是專程去試過兩次, 得出的結論是:「魚蛋大王」前, 宜加一個「鹹」字, 魚蛋還好些少, 魚片真夠鹹, 片頭更是鹹到九彩!最慘仲係, 除咗鹹之外, 並無任何味道先可怕。本人食過最好食的魚蛋, 乃長洲張記, 起碼, 真係有魚味。合隆, 不但冇, 而且食完喉嚨勁涸, 鹹味大概來自味精, 把我這個味精大王徹底擊倒。另一次去, 試過越南湯底和魚麵, 還好, 前者有片檸檬, 酸酸地, 還有疑似「鵝帝」的香草, 加上聲稱是用牛骨熬的湯, 至少, 冇再喉嚨涸了。至於魚麵, 也遠比魚蛋魚片好。牛腩好普通, 鞋鞋地, 牛肚就不錯, 不過都好有「味精感覺」。本來都想給個「ok」, 但, 名不副實, 所以, 都係給個喊吧!