八八八拉麵 (已結業)

今日下晝去黃埔行吉之島買傢具, 星期日又差不多出糧, 條街真係好多人, 鬼咁熱鬧!食午餐選擇去八八八拉麵食, 差唔多八成滿, 坐低之後, 從餐牌揀左個豬骨湯牛油粟米拉麵嚟食!拉麵放到面前, 見一大塊牛油放在一邊, 浸落個湯入面再搞云, 牛油開始溶, 碗麵都因為咁而充滿牛油味, 的確係幾香, 不過味道實在比較咸, 食左兩啖已經係咁飲水, 頂唔順.....塊义燒味道幾好, 可惜湯底係令人超頸渴的湯, 完全破壞我的食慾..