金水壽司 (已結業)

自從九龍城廣場裝修之後都冇嚟過喇，果然面目全非，想當年既foodcourt變左幾間食肆，唯一既共通點就係都係冇咩人流．．或者香港人真係好鐘意食日本野，呢度竟然係眾多拍烏蠅既舖之中唯一要排隊等位既，好多仲係一家大細添。我地等左一陣就有位喇，係吧枱既轉角位，冇計，卡位都留返俾人多既，人少就只好屈就喇！呢度主攻街坊市場，所以志在抵食夾飽，賣相就唔好要求咁高喇！我地叫左幾款普通既壽司，食味都唔錯，特別一提係”金水蝦棒”，其實係炸蝦壽司串燒版，幾得意，新鮮整既更好食！而海鮮薄餅就一般啦，始終都係粉多料少。邊食邊同朋友傾計真係賞心樂事，下次有機會可以再黎！