珊瑚堡 (已結業)

我諗每一個大埔人基本上都會食過珊瑚堡﹐點解？因為個位太好﹐係正吉吉島隔離﹐地方又大。其實食物唔算特別差﹐一般焗飯or西餐都唔錯的。不過有一個大家都發現既缺點就係實在太多人去﹐結果d waiter實做唔切﹐個個都衝鋒陷陣咁。明知唔夠人手好心就唔好排咁多款餐具啦..食個中式大碗飯都排哂成堆西餐既餐具﹐結果反而唔記得俾隻筷子同匙巾人﹐有d失敗。同屋企人兩個人食左一個T骨一個大碗飯﹐t骨好好好大塊﹐兩邊既味道分別得好清楚﹐西冷有口感﹐而牛柳就軟身。大碗飯就係一碗乜都有既飯﹐墨魚夠大隻不過唔好食﹐腩肉ok﹐其他食完都唔記得係咩味。總結就係食得好緊張﹐傾唔到計﹐好想快d走。不過如果唔係咁多人既時候﹐不失為一個唔錯既選擇既。