今次係氹仔落船，近近地黎官也街食個翅先去酒店 check in。
譚家魚翅位置原來幾易搵，但店子狹小，店員阿姐又無禮貌。
好在石窩魚翅味道香濃，上枱時熱辣辣，不停爆住 “泡泡”，冬天黎食一定更正。
湯底 “傑” 得黎又唔會太 “黏口”，鮮甜香濃，魚翅足料，加埋芽菜一齊食，口感好正。
如果大家唔介意服務和環境的話，便要試下譚家啦~~

既然祥記蝦籽麵甘出名一定要黎試下。
行到熱辣辣，入到黎即刻要左一大支青島，只是 $12好抵！飲完個人爽晒。
招牌蝦籽撈麵：份量真的很少但麵條又香又彈牙，蝦籽野味又唔腥，好正！另上既湯亦好清甜，咬一啖麵, 飲一啖湯, 好鮮味呵 !
金沙炸鯪魚球：以為係用蛋黃炸鯪魚球，實際係沾上好似米通既材料去炸，口感好特別，外表酥化非常，咬落 “插插聲”；里面既鯪魚肉足料，沒有溝上大量粉漿，口感彈牙。至於蜆介醬就覺得太咸, 唔點好味d。
今日係平日，黎既時候唔多人，可以坐得舒舒服服甘享受美食。

原本想去六記食粥，去到先知晚上六時半先開，一路行去搵其他食店, 甘就黎到牛記。
水蟹粥：粥底唔算好綿，”傑”番少少好d；水蟹肉鮮甜，整體好過名店誠昌。
另外呢度無蝦籽撈麵，只好要左招牌水餃蟹黃撈麵。蟹黃份量多但味道不是鮮甜那種，食食下重有d腥味，而麵質雖然彈牙但味道淡淡的，沒有幼麵那種香香的特質；而水餃皮薄又滑，餡料彈牙足料鮮甜。
蝦餅：彈牙而偏實左d，蝦肉材料豐富，可惜唔夠鮮甜。
牛記質素只是一般般，希望下次可以試下六記比較下。

去澳門一定要食一餐葡國菜，上 openrice search 到呢間餐廳，鍾意呢度舒適既裝潢，比起其他裝修普通但價錢又差唔多既店子，坐落都舒服好多。
我地早幾日前已 book 位，黎到店員問我地想唔想坐露天，外面空氣很好，環境又寫意舒適，好多謝店員既安排。
1 L Sangria：酒味調配得香濃又易入口，飲住 sangria 黎食非洲雞好配搭。
非洲雞：因為怕辣，店員好好服務甘安排雞和辣醬分開上。雞肉燒過香得黎又唔會乾身，保持嫩滑；非洲辣醬原來不是很辣，而且香濃野味，用左不同材料調配，好味得令我們驚喜。
香煎龍利柳配檸檬汁：龍利柳大條肉厚，魚肉又係想像唔到甘香滑，真係正到爆。
馬介休炒雜菜：炒得唔夠鑊氣，呢個係普遍葡國炒菜既特色，我較喜歡中國炒菜。
我地一邊品嚐美酒佳餚，一邊享受浪漫寫意既環境，一直暢談了兩個多小時。

開頭以為係普通台式小店，原來係頗高檔食店。
環境服務幾好，但食物味道就一般般啦。
台式三拚 ~ 台式鹽水鴨+台式鴨舌+蛋黃小卷：鹽水鴨唔肥, 肉質滑；鴨舌唔夠野味；蛋黃小卷好差，乾身簿片又有點腥腥地既味道。
開洋高山菜：菜 “老”, 靱之餘有渣。
紅糟豬手：豬手皮厚，汁又唔香，感覺豬手好油好濟既感覺。
口水雞半隻：價錢貴但食落唔似新鮮雞，失望。麻辣汁就好香，補救番次等既雞肉。
炸花枝丸：花枝丸炸完內里仍保持丸汁，但就唔鮮味。
我們食野好少，其實唔夠飽，但既然味道一般，也不再加菜。

朋友買左一枝靚酒為我補祝生日，要搵一間好既西餐廳而開瓶費又唔貴既，我就即時唸起呢度。
店內環境優雅，坐得舒服有空間感，店員有禮貌。因為幾凍，問餐廳借左披肩。
餐包賣相好差細細片甘，睇落唔好食，但一咬落口外脆內軟，帶點咸香，好好味！
凱撒沙律 ($72)：生菜爽甜，沙律醬酸甜甜又 creamy，bacon 咸香野味。
卡邦妮忌廉汁扁意大利粉 ($135)：忌廉汁睇落好似有點稀，但食落味道十分濃香，扁意粉硬度適中，令人著迷既菜式。
蛋黃醬焗挪威三文魚 ($148)：三文魚焗得剛好，肉質十分嫩滑而且厚身juicy，蛋黃醬沒有 “濟” 的感覺，因為加左酸酸地既味道，與三文魚配合得很好。
朱古力心太軟伴雪糕 (58)：心太軟上枱時已有點流醬，朱古力味香滑，加埋雲尼拿雪糕是絕配。
今天的晚餐真是好 wonderful !!!!

一路以為春夏秋冬好味，但原來甘差，服務又唔好，店員好似扮見唔客人 order 甘, 而且個爐 "神神地"。
鴛鴦湯底：清湯好似清水甘；沙爹湯底味淡。
生腸：好 “靱”。
脆鯇片：一d都唔脆。
帶子：唔夠鮮味。
本地肥牛：牛肉唔香，肉質也 “鞋”。
水餃：餡料唔爽香和新鮮。
豬爽肉：唔肥美，肉唔嫩。
墨魚滑：墨魚味淡，唔鮮甜。
一句講晒：唔新鮮，唔美味，唔好服務！
估唔到甘難食 !!!

如果對食物質素要求唔高，和一班人黎食晚飯都 ok。
洋蔥涼瓜煎蛋 ($35)：涼瓜唔苦，蛋煎得外表金黃，內里香滑。
上海酸辣湯 ($42)：辣得幾正。
雙色拼盆 ~ 鎮江燻魚+醉雞 ($68)：醉雞酒味香，雞肉嫩滑。燻魚肉厚，但乾身了些。
糖醋肉排 ($48)：酸甜肉嫩，餸飯好正。
松子龍利柳 ($58)：炸粉鬆化但厚身左d，魚肉比例少，個甜酸汁最好味。
金銀鱔糊 ($56)：無黎味道，得個鹹字。
生煎鍋貼 ($16)：皮太厚，肉餡唔夠多汁。
其餘既咸肉蒜子津白 ($48)、紅燒豆腐 ($38)、上海回鍋肉 ($48)就普普通通無特別。

店子新開又有我至愛既榴槤，當然要試下啦！
酥皮白玉子 (熱)：白玉子熱辣辣，加埋酥皮食口感好正！
酥皮玉子 (熱)：玉子是用了全蛋，沒有只是用蛋白既白玉子般滑。
冰淇淋榴槤冰：冰凍既榴槤粒正到爆，加埋鋪面既冰淇淋真係消暑佳品！
榴槤白玉子冰淇淋：白玉子“滑lulu” ，冰淇淋軟滑，只欠榴槤肉多點就 perfect！
芒果 mousse：沒有特色，味道一般。
下次一定要再encore 白玉子冰淇淋！

今晚想食d 特別菜式，朋友試過話幾好，甘就黎試下，但地點都幾難搵。
店內環境氣氛有新疆feel，又不斷播住好似催眠曲既音樂。
鎮店羊鞍：睇落好似唔夠熟，但實際上燒得剛好，肉嫩 juicy，但就肥左d。
串燒牛肉：牛肉野味有肉汁，雖然無鎮店羊鞍甘肉嫩，但都好好味，飲埋紅酒超正。
烤魚：魚肉鮮味多汁，加埋獨特既香料一齊烤，好香啊！
羊奶奶凍：好滑好濃奶味，奶味濃郁既程度係平時 3.6 牛奶既兩倍。雖然好香，但食左幾啖就好 “溜”。
呢度只有一款智利既紅酒 ($130)，質素幾好，襯埋牛羊肉食，好正啊！