我同朋友2人叫左一個2人餐，包括一份燒鵝細例、一份叉燒、一碟油菜、兩碗例湯連飯和瀨粉。 燒鵝味道ok, 叉燒叫左半肥瘦，但偏瘦，味道偏咸。 例湯難飲，味精滾水咁。 我叫左瀨粉，上菜時我見到有隻死左既蟲在湯度浮。於是我叫阿姐換。 我有點唔放心，就走出去偷望，見到阿姐用匙羹將蟲整走， 似係想再俾番呢碗我。見我發現，馬上拎去餐廳另一邊倒左佢， 話唔會俾番呢碗我，叫我放心。我覺得奇怪，咁點解唔係一開始就拎去倒。而要用匙羹將蟲整出來呢？仲要心虛樣出晒黎。 等左好耐都唔見佢整番一碗瀨粉俾我，我又再行出去問，今次我問另一個阿姐， 結果個位阿姐俾番碗瀨粉我時講左一句： 「我唔肯定呢碗有無蟲架！」😨😨😨😨咁都得？ 作為餐廳，確保食飯既質素同衛生係你地既職責，竟然大大聲「大條道理」咁同客人講，唔肯定下一碗有無蟲？ ？？？？搞到好似一開始我話要換左有蟲既瀨粉係我既錯咁。仲要發番客人脾氣！咩道理？😤😤😤 呢種服務態度真係可怕，令人好擔心佢既衛生！！我以後都唔會再幫襯！大家都小心！ 😡😡😡

做完野經過登龍街，又搵下好西食先第一次食呢間，本身我好中意沾麵，所以揀左呢間試試。 叫左濃香豚骨魚介沾麵，佢小中大麵是一個價錢84蚊，價錢都正常。 大碗係兩個麵，食落又唔算好多，我食得晒🤣🤣 個湯都夠濃，唔會好咸，只是暖暖地，如果熱辣辣既湯會仲正。 麵是較粗的，唔算好彈性個種，正常。 叉燒就太薄了，食完好似無食過咁。 糖心蛋就幾好。 因為唔夠餸，我就追加左佢寫住金賞既炸雞，加26蚊有三件，滿心期待。結果……… Oh my god! 請問呢個到底係炸雞定係炸雞皮呀？😡😡😡 薄到呢！肉都無！ 我追問員工，佢黑面地講，呢個咪炸雞囉！態度都幾差，呢個員工仲成日在打機，可能我阻住佢打機，所以黑我面。 本身對呢間野印象算正常偏普通，而家俾個炸雞同服務態度，令我不得不俾個負評佢😫😫 試一次就夠，bye! 薄到爆的炸雞……皮 掛住打機的黑面員工

以前去台灣時好中意食夜市既滷味，來呢度搵下有無台灣既味道先😋😋😋 一入門口就同我講國語，特別營造台灣的感覺。 我叫左冬粉、豬大腸、甜不辣、蹄膀同蘿白。 一送來，我見到成碗啡色，好明顯滷汁已入晒味😁 冬粉滑滑的，索盡精華，正！ 大腸煮得淋但又有點咬口， 無怪味，都乾淨！唔錯！ 蹄膀是一片片切開的，肉有少少乾，呢個普通。 蘿白非常入味，必叫！ 甜不辣好粉，又唔爽口彈牙，普通 食到最後我覺得唔算好飽，可能冬粉唔算多同唔太飽肚，但都好唔錯！ 如果有辣味就更吸引，我在枱上又見唔到辣椒油之類，如果有得加就好，下次問下先。 呢間我會翻兜！似唔似台灣味呢？少少啦，我覺得在台灣食的更正。 推介：蘿白、冬粉、大腸

最近定左個目標，食盡登龍街！😂😂 星期日下午5點左右到麵尊，都幾多人食，好彩仲有位，唔洗等。 每款10蚊都算抵食。叫左4個餸配米線。 蘿蔔好淋，都幾清甜（不過個人覺得榮記蘿白更入味） 牛腩淋到飛起，我反而麻麻，無咩口感同肉味。 酸齋好正，大大舊，唔會太酸，索埋d湯，好掂！ 咖喱魷魚雖然無咩咖喱味，但夠爽口，正！ 我加左腩汁同一匙羹麻辣醬。腩汁帶點甜，唔算好咸，麻辣醬唔太辣，加左就帶點麻麻的口味，還可以。 整體都唔錯，推介酸齋、蘿白、鱿鱼👍👍

下午茶時間去試一試佢招牌清湯腩， 茶餐價49加杯野飲，唔跟餐就話會大碗d,但無野飲。我就唔要餐，想食飽d。 一出到來，我見到d肉已經心知不妙。雖然我無加錢叫坑腩爽腩姐，都唔洗俾呢d部位我架！ 食落好柴，好散，無口感，仲要好薄！ 好似將正常一舊牛腩分2-3份切，好呃秤！😩😩😩 河粉有陣怪味，湯好普通，唔鮮甜。 好失望！ 同埋份量好少，食幾啖河粉就無晒，咁樣收49？ 隔離街有間35蚊牛腩河都俾佢好食又大份量好多。 好啦，伏已中， 本身想試埋佢咖喱牛腩同干炒牛河，但我好怕再失望，算啦都係唔試了。 性價比真心低，唉，好耐無食過咁失望既牛腩。 🥲🥲🥲

今日在東南加食左個早餐，叫左豬軟骨炒蛋米線，d 豬軟骨比較柴，乾身，湯普通， 有d紅蘿蔔絲同椰菜絲都可以，炒蛋就唔夠滑，老得滯。 食到三分之二，食到有d異樣，有d𠝹口既野，原來是有條鮑魚檫的鐵絲在米線中，嚇死我，好彩無吞。 我叫個職員來，叫左好耐都無人來。 最後個阿姐見到有d愕然，話換一碗俾我，都食到尾我飽了就廢事換了，但佢都無道歉無唔好意思。 我唔要求佢免單，知道餐廳而家生意唔易做，但始終衛生是很重要的，食落肚的野要好小心，希望呢間餐廳以後要注意一下，唔想有其他人受害。同埋佢地無心之失，只要誠心致歉，客人也會體諒，不過佢地唔太在乎，又無歉意，就會令人擔心，係咪仲會繼續出事。 以後我就唔會幫襯了，大家下次食呢間先檢查一下食物再食，小心小心小心！ 😔😔😔

去朗屏搵個朋友順便附近食下野醫肚， 見到新商場虹方有幾間餐廳。 2樓開左間台灣野，d裝修幾可愛，簡潔乾淨就去試一試。 我叫左豬軟骨麵，朋友叫左蕃茄牛展麵， 仲有花枝丸同台灣腸。而家仲有40令蚊既麵真係難搵。豬軟骨同牛展都好淋好入味😍ok wo! 佢d配菜唔少，有菜心、豆角，冬瓜同酸青瓜。平時出面餐廳d麵得兩條菜，呢間配菜有咁多樣都幾用心😍👍 叫左桂圓紅棗茶同香茅檸檬水，幾好味，後者好清新！ 比起d連鎖店，我更欣賞有人情味的小店，d店員好熱情好nice! 態度好重要，好驚d西面waiter ，好彩呢間無。 下次再食過先。 支持小店😘👍

我見好多人食就去試試！

食物方面有好多海鮮選擇，我食左龍蝦98蚊隻、日本太子88隻、象拔蚝仔78一隻，同埋時價的花竹蝦44蚊兩。我叫左兩隻。無問佢幾多兩。我估兩隻蝦應該好輕掛。味道方面，花竹蝦一大一小，味道普通，同一般蝦無咩分別。帶子好大粒，配粉絲蒸，味道不錯，d湯汁好鮮甜。龍蝦唔係好大隻，無咩蝦味，口感一般。象拔蚝最好食，好鮮味，不過一隻好細。

食物味道整體還可，
點知服務差到嚇死人！

首先茶位12蚊，我壺茶叫佢加水，之後就從來無再拎番來！催極都無再俾。渴死我！

我叫左個粥底，諗住食晒d海鮮就可以食d吸晒海鮮精華的靚粥，點知竟然無落米！頓時變左無米粥！但成80蚊！我之後同佢嘈，最後就取消到。

最後埋單發現花竹蝦2隻計我6兩,收左我288!!! 144蚊一隻蝦!!!!

！大家要小心時價的海鮮！

我參加左佢既會員計劃，每次消費都可以儲分當錢用。今晚食左個粥加油菜都50蚊，包茶介同加一！ 其實都幾貴幾唔抵。出面粥店只需30幾。我有百幾蚊積分，想一次過扣50，咁呢餐唔洗俾。結果收銀阿嬸唔識用個系統, 搞左超耐都扣唔岩錢，一下扣晒我百幾積分，搞到又要重新入過,令
大家排長龍。之後佢竟然發我脾氣，話最憎人唔俾錢只扣分，麻鬼煩.....不斷發脾氣!!
本身個會員制就是用積分去吸引消費，唔通只消費,唔扣分？ 個員工唔識用系統就怪在客人頭上，服務太差！我唔會再幫襯！ 

我非常嗜辣，一見到附近有新開的川菜馬上就試。我點左兩餸紅薯粉，點知等左15分鐘都唔來！當時餐廳加埋我得三個客。真係唔明點解可以咁耐。後來來了，點知同外賣張單調轉左，所以外賣同我叫的都錯！結果佢地無馬上道歉同立即煮番俾我，而係在我面前互相指責對方做錯，不斷地爭吵。我真係好餓，所以更嬲！見佢地仲嘈緊，我馬上就走。結果開唔到門。那是一個超重超實kick住的門。只能說呢間野的服務實在太差！時間控制差，落單錯，服務態度差，連門都差過人！太失望了！