1. 食物種類唔多, 不過冷盤有迷你生蠔, 多膏麵包蟹, ok鮮龍蝦, 巴拿馬火腿, 大蟹腳等等
2. 刺身只有Salmon同Tuna
3. 熱食款式少, 只有Roost Beef 好食, 其他唔好提
4. Salad 吧款係多, 但連最基本嘅ceaser salad 都唔好食
5. 中西湯如水
6. Service level 差 - 收碟慢, 提供飲品唔比糖/攪棍
7. 用cheap chearp 小童high chair , high chair 腳特別長, 好心投資及參考其他5星酒店, 用好D嘅high chair. 人人行過(包括servicers) 都會唔小心踢到隻high chair 腳, 小朋友係唔需要surprise 的, OK

是日Happy Friday, 老爸提議到灣仔食越南野.

餐廳門口給人的感覺,完全唔似食越南菜(似食日本菜多D)...

店內裝修悅目(灰灰黑黑型格tone), 極高樓底, 比人有高檔感覺.

叫左水晶蝦卷, 炒貴刁, 烤豬肉香脆蝦, 牛油雞翼, 蝦多士, 什錦河

因為清亭牛油雞翼的關係, 次次食其他越南餐廳, 一有機會, 都會叫牛油雞翼. 今次有驚喜, 好好食. 蝦多士大大件, 正烤豬肉香脆蝦, 我點左小小魚露食, 夾到不得了返而個湯底唔似其他越南野, 好中式, 但係都好好味其實重有好多野想試, 留返下次啦

是日係IFC睇完鐵甲奇俠3, 時間不到6點就去到Soho再上的Brunch Club試試.

一入到去, 店內環境溫暖,有家的感覺(好有ikea showroom feel). 女服務員謙親切有禮, 安排我們一行四人坐在近門口位置. 地方闊落, 感覺良好.

我點了, Pork Sausage Egg Benedict , 而其他的就點了 Mixed Grill.

不用15 mins, 食物就到.可以係第一次食egg benedict, 感覺好似食"天空之城三明治", 即係塊包上面有隻流黃蛋(個人覺得), 由於本人超喜歡流心蛋黃, 所以覺得好好食

而Mixed Grill內有雙蛋, Bacon, Ham, 薯餅, 茄汁豆, 麵包(麵包有數款選擇)

雖然全部都係好普通的食物, 但重點係加上現場環境氣氛, 食物味道當然會加分.

最後, 我地重叫左個Waffle share新鲜出爐, 好味(如果加舊ice-cream 上去就perfect)

食完野, 我地重hea左陣先走(當日唔係好多人)

之前打算去中環熊亭食日式任食放題, 點知原來已經結業. 打開飲食男女, 找到這間日本料理.

打電話book左7點半, 一去到, 唔冼等, 立即有位(當時已經差不多爆埸)

但係地方真係超級迫, 女仕們的包包和男士們的backpack公事包, 好勉強才可放在大腿上(記得食完先好去shopping).

食物方面, 種類都有好多

比較好食的有
1. 魚生刺身類 - 新鮮
2. 手卷類 - 唔錯,因為塊紫菜夠脆
3. 天婦羅類 - 唔錯, 唔會一口油

但係D燒物超唔掂... 食左一round就唔想再order.不過,最過份就係有一位比較大份的waiter, 上菜時"老馮"要我地幫手接(我明白,地方細,張枱自然細). 但係唔好黑口黑面, 好似D客欠你咁la. 叫你比杯茶, 你就遞到我面前(之後好型咁"令"轉塊面, 要我接住). 最後, 收碟果時, 重唔小心張D汁淺到我朋友個頭上面. 我唔知你真係察覺唔到 or 扮唔知, sorry 都無句就走左去. 我當然唔會叫你補句無誠意的sorry. 作為顧客, 無下次就係最直接的回應.

2月9日係皇后生日大日子, 又係年廿九. 決定請皇后去馬交食Buffet.

Galaxy入面間Festiva(群芳)已經係第二次黎食, 所以係好味之選.

澳洲生蠔, 好細隻...

0

澳洲生蠔, 好細隻...

佛跳牆(每盅都有鮑魚, 花膠), 正到不得了

0

佛跳牆(每盅都有鮑魚, 花膠), 正到不得了

食buffet點會食粉麵飯...不過依個即場手拉拉麵, 真係一定要食

0

食buffet點會食粉麵飯...不過依個即場手拉拉麵, 真係一定要食

甜品款式數量用兩隻手都數唔曬.... 好味

0

甜品款式數量用兩隻手都數唔曬.... 好味

自家設計Ice-cream pancake

0

自家設計Ice-cream pancake

是日係我們的結婚三周年, 原意係去Ruby Tuesday慶祝食餐飯, 點之見到Groupon做緊HKD398.00 二人套餐(好抵wor). 就決定試下la.

當日中午係公司冇乜野做, 就上openrice睇下有冇D comments關於依個團購餐, 點知大部份都係話bad service... bad food quality之類... 所以食之前,我已經同皇后打定預防針...

一去到, Reception 帶位先生(似係經理), 正面有禮

到order時, 外籍小妹超有禮貌

餐湯... 係水汪汪左D, 不過味道係ok的, 我飲不完的, 都比皇后KO左Chicken Ceaser Salad... 大盤好味...Side order 加的Nachos, 食唔矖, 要打包主菜 - Ribs 同 Streak, 都唔錯, 只係個honey sauce 甜左D 全晚最差就係個Ice cream + Brownie, 賣相100分, 但係舊Brownie硬過皇后條頸(雖然係焗過係熱的)