中午時段入坐，雖然知道食飯時間一定忙，但啲侍應態度衰到爆艇。走廊位有一排凳全部畀冷氣不停吹住。四張枱有三張都叫個侍應教細風啲或者熄左佢。全部侍應都當聽唔到，基本上係趕客！ 去到嘢食部分，叫咗個青咖哩雞飯，食物質素完全唔得！！！仲衰過大排檔，個咖哩汁好似鼻涕咁樣，基本上係生粉水！有圖有真相！ 食完去畀錢嗰陣時同個侍應講，叫佢不如考慮下啲客人所講教細啲冷氣，跟住佢話呢度啲客全部都覺得熱，真係吹脹 食物質素同服務都完全唔合格，真係冇下次～

第一次嚟呢度食飯，叫咗半打蠔加個午餐，蠔就10蚊隻，本身都冇乜期望，食落得個鹹同埋凍嘅感覺。。。基本上係冇新鮮嘅甜美，但係十蚊一隻所以都冇要求咁多。 個牛肉飯超唔掂！啲飯係用微波爐叮熱上碟，有圖為證用叉拮住都可以拎起！仲硬過我條命 個餐湯淡而無味，係綠色菜湯，得嗰個顏色。。。 嗰碟牛肉飯基本上都係茶餐廳水準，咁樣就收78我覺得有啲貴。 埋單大約150蚊，有得揀嘅話唔會再嚟，啲員工基本上同茶餐廳差唔多冇乜服務可言，一有空檔就喺出面煲煙。

以前下午成日嚟食lunch, 但近來啲食物水準完全吾得, 有圖有真相, 以前啲salmon sashimi rice 係一塊咁上, 而家搞到用下難質素刺身, 仲要切角 ！性價比 服務方面……都係一般……冇話好吾好, 其實睇邊個伙計serve 你, 個別10問9吾應。 今次仲要吾知点解，魚生飯都要等20分鐘，可能就係要切角我 advice 大家吾好有太大期望， it far behind the quality it was. 呢個價位喺附近有好多choice

見佢個名寫到咁行，咪試下佢個喇沙，點知原來一般貨識。惟一要讚嘅係價錢喺銅鑼灣叫做公道，同埋個油麵都幾好食。今日叫咗碗豬頸肉喇沙， 49蚊唔包嘢飲唔洗加一。湯底一般，叫做吾係水汪汪。

剛過去的星期六一家四口去到呢度食午餐， 店內地方不算大， 但環境總括來說清潔企理。 可能較早到嘅原因所以唔使等位就入咗去坐。 食物種類選擇唔多但係樣樣都經濟實惠， 叫咗鵪鶉蛋燒賣、 蝦餃、 馬拉糕、 xo醬炒銀針粉(稍為油咗啲)、 北菇滑雞蒸飯 加埋兩杯熱飲。 樣樣嘢都幾好食， 只可惜中午時間冇甜品供應，同埋當日可能人手唔夠老闆娘有少少噪噪地。。。 依餐午餐幾抵食四個人埋單160蚊

食過幾次，永冇中伏。無論喺menu叫乜都吾會差，希望可以保持水準。今日一家四口叫左兩個set lunch, 再加兩杯龍眼茶。兩個化骨龍就食黑松露鮑魚飯。埋單$244，平靚正！ 花膠撈麵 黑松露四頭鮑魚飯

it's ridiculous for me to wait for 30mins + for a combo burger meal, and their staff told me that it is their usual practice to use 20mins to make a burger and I have to wait for a bit longer time when I was in lunch hour. I don't mind to spend a hundred on a burger meal but it's not worth to wait.... I won't come here anymore 

For the burger, I could say it was average but not a wow quality. For sure this price could have much better burger meal within CWB.

今次是第二次光臨Tapeo, 一如以往, 佢個Paella好好食, 而且相對中環及灣仔既西班牙餐廳吾算貴. 當然, 既然係第二次黎Tapeo, 當然會被開一D中伏菜式, 留返D銀兩試新野.今次較為有驚喜係佢個Braised Beef Cheek (牛面豬登), 煮得好入味同林, 雖然份量係小D, 不過佢個sauce好特別, 強烈推介. (事先聲明, 呢個菜餚一定係食你吾飽, 吾好當佢係牛排)而於好多人都話正既Crispy Pork Belly我覺得今次煮得吾合格, 因為失敗之處係塊豬皮吾脆不特止, 仲要un到飛起,  其他部份整得幾好食都無濟於事, 因為菜餚既名係Crispy, 但已背道而馳.Paella超正, 相比起銅鑼灣某間成四舊水既西班牙海鮮飯, 呢個不會比下去, 佢地既米真係用西班牙米, 不是坊間九吾搭八既日本米, 而且煮個飯既時間控制得好, 好Creamy, 海鮮同雞肉比例適中.

波士頓餐廳令私想起很多兒時回憶，當中包括爸爸想說這是他和媽媽的拍拖聖地，以及想起童年時在這裡吃鐵板餐，當中不乏我最愛的波士頓龍蝦拼牛柳 (我所知現在以沒有此菜式)。事隔多年，我今天再次光臨波士頓餐廳，點了招牌菜“火焰牛柳”。羅宋湯及餐包我可說是保持水準，而小合我胃口，夠濃及帶有微辣，足以令我其待主菜應有相當的水準。等等等………20分鐘過後，火焰牛柳終於來到，但是小火得來沒有令我有預期中的Woo Effect，賣相與大X樂不相百中。怎也好，我告訴自己食物以味道為先，賣相為次。不過事與願違，我發覺自己中計，這牛柳的質素一定不值$100以上的價錢 (可能我自己傻，Lunch Hour不點午餐餐牌)，而且吃出牛柳有經蘇打粉處理過，已令我對這所謂招牌菜大打折扣。會否再次光臨波士頓餐廳? 不知，但一定不會再吃火焰牛柳

位於中上環區的Café Deadend絕對值得一去，它的Apple Pie又一次表現出如何讓簡單的甜品成為一種有品味又有驚喜的享受。Café Deadend 附近一帶都食物、古董小店，環境清靜優雅。老實說，我一直也覺得一帶的餐廳是給旅客觀光，好睇吾好食，但每次去搵新款棻式時，心裡還是挺興奮的。是日Tea Time指點了Apple Pie及Latte，食物也很有水準，雖然食材不貴，但可見師傅落足心機去做。但價錢一D都吾平，所以我建議真係有空閒時間才來Café Deadend慢慢品嚐，否則如食得趕頭趕命，不如去麥當當食蘋果批算了。

Apple Pie賣相其實一般，好似一個Danish咁，不過味道確實不錯，不會太甜而帶有蘋果香味。切開個Pie仲見到蘋果一絲絲排列，吾似坊間一Pat醬。