2018美食博覽last day入場，食左好好味，然後係openrice呢度見到原來有門市，就打食評支持下！ 其實好多檔都有賣蜜糖豬手，但呢間舖係只一吸引我駐足。 原因係見到師傅即炒，勁香，而且豬手的皮看似好入味。結果就比左錢買黎食，最後一個鐘特價30蚊一盒，底部有醃過的青瓜，酸酸甜甜，好fresh，同較膩的豬手一齊食好match！跟住就有豬手，好香黑椒味，有細細粒黑椒，識落唔會好韌，肉的部分無腥味，好軟熟，根嘅部分就幾爽，個皮少少彈牙，就好似食緊骨膠原咁，豬手好入味，分量都好多，同友人食唔哂用食物盒帶走。豬手上面有灑左少少紫菜，芝麻，類似日式飯素(????)，幾夾，又唔會好搶味。仲會有少少焗薯仔係度，幾辣下。 不過都有少少美中不足，就係蜜糖味唔明顯，只有幾塊係食得出蜜糖味，同埋唔夠熱，因為我地果盒唔係即炒的，但可能門市有保溫的設備會好啲。 總括黎講係90分大推大家試下

食過漁屋後，我諗我短期內都唔會特登出九龍/港島食放題
因為漁屋真係「平、靚、正」！

淨烏冬
味道正常，都幾大碗，可以唔洗試醬汁螺肉、八爪魚、中華沙律
我好中意食呢3樣前菜！
八爪魚幾抵讚，係原隻，無切到碎哂，好好味火炙三文魚壽司、花之戀、反卷
火炙三文魚依然係入口即溶，
我依家覺得火炙比普通三文魚壽司好食，
我覺得沙律燒同醬油燒都好味，友人中意醬油燒多d
花之戀都唔錯，上面多蟹籽，好中意佢整到細細件，
一口一個，唔會食到散左，又可以試多幾款食物
反卷ok，但可以唔試鰻魚壽司、蟹籽、三文魚
正常，都係細細件、的的式式，一口一件刺身
三文魚腩真係極品，睇得樣已經知道好肥美
食落又真係比普通三文魚刺身多魚油、魚香味！
普通三文魚都好好味
玉子面層有焦糖燒過，個人覺得甜左少少
北寄貝無黎到，唔知點解……
甜蝦、玻璃蝦新鮮！(記得以前係無玻璃蝦)
不過我同友人都中意食甜蝦多d，食落鮮甜d金菇肥牛卷
以前食過兩次都覺得好正，但今次食覺得個汁無以前咁濃，
而且大舊左，食ge時候無咁方便，可以試一件ge燒雞泡魚干
呢個一直都有供應，係漁屋ge特色食品！
今次終於叫左黎試，友人食過唔係太喜歡，
不過我幾中意wor！
聞落幾香，睇落好似好硬，但其實食落好軟，
味道甜甜地，有魷魚干ge味道同口感，我覺得幾好食炸墨魚餅、炸紫心番薯
魚餅我同友人都中意食，一人半個岩岩好，過下食癮
番薯天婦羅竟然係紫心，好好味，好甜，好軟

今餐飲品可以揀汽水、玄米茶etc.
同友人都係飲凍玄米茶，
味道幾特別，最重要係唔似汽水咁甜，
飲完再食野可以試真d食物ge味道，推介，
臨走仲食左雪糕！

從來都冇聽過呢間小店嘅名字，咁岩上網見到話11月結束營業。上網search，發現好多人都話：係全香港最好食嘅沙嗲醬 所以一於嚟試吓啦！ 小店嘅位置喺正九龍城商場對面都容易搵，當日係閒日下午兩點，一去到就見到長長嘅人龍。 所有串燒都係老闆同老闆娘兩個人整，即叫即燒嘅關係，所以都要預啲時間等，但係為咗食嘢係唔介意等嘅，最後等左大約90分鐘。前面嘅朋友一個人order左大約$500嘅串燒去到我嘅時候，已經無牛肉同埋豬肉串燒 最後嗌左串燒黃飯($40)，個飯本身跟兩串串燒(我揀左雞腎，花枝丸)，再加一包紙品飲品。另外要雞肉($14)，豬頸肉($14)各一串。 即叫即燒，全部都熱辣辣 一嚟梗係即刻試吓個沙嗲醬，我要左小辣，但其實都係微辣，沙嗲醬好濃，好好味，我本身唔鍾意食花生都覺得個醬好好味。 串燒方面：花枝丸就正正常常，雞肉同豬頸肉都好嫩好juicy，雞腎我冇食到所以唔知。 薑黃飯：小店係用家用電飯煲煲飯，每次只可以煲好少飯，但係店主一盒飯會比勁多。所以keep住等飯都要等好耐，咁啱去到我係有飯唔使等。好有心思，老闆雖然好忙，但舀完啲飯，會係上面放啲類似炸蒜片嘅toppings。如果返本身係有薑黃嘅香味食落都有少少味絕對高質。而且份量非常多，成個餐我都係同男朋友share，大家都食得飽 不過小店做到11月就唔做，大家想食就要快啲啦。同埋最好11:00開舖就嚟，當日我兩點幾，差唔多啲嘢食都賣晒，老闆娘係咁叫後面啲人唔好等

好耐無打食評啦！
今次係松記，其實已經食過好多次，但好欣賞佢做咁耐水準都無下降！
數下手指，我諗我一個月都食2-3次，抵食之選。

原因在於佢d水果份量多，
而且水果都係新鮮，無用糖水浸過，唔係罐頭貨

店員會問要唔要芒果汁同椰奶
我每次都係「多芒果汁多奶！」
結果黎到，碗甜品d汁通常都會滿瀉

呢一日係晚上9點到，
店入面已經坐滿日，但好彩我同好友們都咁岩有坐唔洗等，
但我地9點半食完出黎，門口已經門庭若市，外面超過30人等位。
根據我ge經驗，如果10點幾去(6人左右)，通常要等15-20分鐘度，
所以大家要去食就唔好太夜 lol

店入面都比較擠逼，
有時帶個大d ge袋入面只可以抱住咁食甜品。
另外有樣特別ge係，松記因為太受歡迎，
所以晚上會租埋隔離間茶餐廳ge鋪位架！我每次都係叫呢個「幻彩明珠」
但係食唔厭
店員會問要唔要芒果汁同椰奶
我每次都係「多芒果汁多奶！」
結果黎到，碗甜品d汁通常都會滿瀉
材料：
- 西瓜(次次食都甜同多汁，唔會好dry)
- 奇異果(通常比較酸，但個人覺得幾開胃)
- 芒果(唔係一粒粒，係一塊塊，有時酸，有時甜)
- 黑珍珠(係粒透明ge細珍珠，入面再有糕好係芝麻咁ge野，幾好口感)
- 大珍珠(半透明，應該係大粒版西米，食落QQ)
- 哈蜜瓜(我食咁多次都係甜！)
- 涼粉(正常味道)
$19呢個係「Summer」
特點係可以自己揀要咩flavour ge雪糕
可以叫兩球，味道都有差不多7-8種選擇，
好多朋友都中意食呢個
$21

同喜愛米線的友人係尖沙咀過黎旺角食米線
皆因荃灣ge 雲南桂林過橋米線 轉左名
連米線的味道也轉了....湯底比以前差

友人經常在旺角覓食
所以見呢晚有機又經過旺角就毫不猶豫咁揀呢間
入到店
已經聞到成間鋪充滿小鍋米線果種湯底ge香味
呢一刻我已經預計到
係呢度會食到以前荃灣店的味道

由於同友人都係腩肉小鍋米線的擁躉
所以都照舊「腩肉小鍋米線小辣」
我要多酸多青
友人就走青

但但價錢同荃灣轉左名的店鋪一樣
都係加左幾蚊
以前淨小鍋米線$19
依家已經去到$22

碗米線好快就黎到
真係勁香
湯底複雜又濃的香氣隨住熱呼呼的蒸氣
不斷飄入我個鼻
即刻飲啖湯先
真係好濃係以前的味道
呢刻勁開心
真係好耐無飲過呢個咁正的湯
i misssssss it

米線都唔會太硬太軟
腩肉一入口會食到湯底個味
再嚼耐d就會食到個腩肉其實係預先醃過
好入味好香
而且腩肉的份量都幾多
肥瘦適中
最緊要好淋唔會un

如果我經常係旺角出沒
我應該會經常黎呢度開飯

由於上網攞飛要等兩個月後先有得食，心血來潮一於嚟排隊。 去到店舖reception有部機，如果係用手機預約左就要去登記先。如果好似我咁冇預約，就有個制即場㩒飛。 座位嘅分布：全個場得，二人卡位，或者係四人卡位，如果多個四個人，就四人枱再加枱同椅子。所以一位同兩位嘅等候時間，係差唔多，四位都唔會等好耐。 不過座位嘅分布好奇怪，當日我一個人，但唔知點解俾咗張四人枱我 最後等左75分鐘⋯⋯ 綠茶係綠茶粉，都幾好味。Wasabi係一粒粒磨出嚟嘅Wasabi，唔錯 醬油有分普通醬油同埋甜醬油，仲有一隻係柚子醋，我就鍾意普通醬油都夠甜。 壽司方面，最好食係炙燒中吞拿魚壽司，我本身唔特別鍾意食吞拿魚，平是鍾意食三文魚多啲。 但呢件吞拿魚壽司，我食咗3/4件，真係好好味，入口即溶，又有油香！唔會燒得全熟，勁好味 反而呢間鋪頭嘅三文魚就一般般，呢個蘿蔔蓉炙燒三文魚壽司，奇奇怪怪，個蘿蔔蓉又濕又少少澀，同下面燒過嘅三文魚完全唔夾，本身個三文魚都冇乜味⋯⋯ 另外都試咗啲軍艦，有個係期間限定，北寄貝沙律軍艦，味道都唔錯，可以試吓。 香蔥吞拿魚蓉軍艦，辣拌三文魚軍艦，呢兩個都值得一試 炙燒北海道帶子，帶子非常大粒同埋新鮮絕對高質不過一件要$22，唔算平但值 反而呢個鰻魚壽司一件要$22，鰻魚肉係多同埋厚身，味道都OK，但覺得$22一件，有啲貴 最後埋單，連埋+1服務費，一個人食咗$215。 總括來講：食物嘅品質，新鮮度同埋味道絕對好過爭鮮。味道都唔錯，吞拿魚係極力推薦，三文魚就普普通通，其他軍艦嗰啲都唔錯，值得再去返嚟食，不過今次嗌嘅金碟比較多，比想像中貴左少少。 另外，員工嘅服務態度都好好。雖然長期好多人等位，但係嗌飛嘅哥哥態度都好nice好有耐性，完全冇燥底。我坐喺迴轉枱入口，聽到入面整壽司嘅師傅，都好有熱情咁同啲同事講嘢

一直都有聽過加藤屋嘅大名，知道佢買嘅丼飯好平好大碗。 最近上網見到佢長沙灣分店就快結束營業，終於的起心肝嚟試食，閒日嘅中午估唔到都有勁多人排隊買嘢食，個場唔算好多位，所以keep住好full。 加藤屋最癲係下午茶$20嘅飯，但壽喜燒湯好吸引，所以今日叫左牛肉鍋定食，配壽喜燒湯，total:$43 成個餐非常豐富，有前菜：麻油味嘅泡菜一碟仔，有一碗飯，有壽喜燒牛肉鍋：鍋入面有椰菜，娃娃菜，豆腐卜，半隻蛋，牛肉，木耳，粟米，蘿蔔。仲有杯可樂價錢都只不過係$43勁抵食！ 壽喜燒湯底味道唔錯，雖然食食下覺得太甜，另一敗筆就係牛肉份量雖然都有成五六塊，但好鞋有渣，不過絕對對得住個價錢，個飯最後都食唔曬

我一直都係"睇" openrice d食評
但我呢排發覺有好多有heart ge食店比d要求高ge食客踩
所以要上黎平反一下

早排同男友食平民野想儲下錢
但食得街邊小食多又唔多飽...
一直都想食放題架, 不過無乜平ge選擇！
但屋企附近開左漁屋
上黎openrice一下又發覺好吸引
就拿拿聲打電話去book位啦

服務方面：
其實我book 6點
不過遲左2分鐘
但姐姐都好好人無計我落下一個session XD
跟住叫野食、遞紙、添飲都好快手
p.s. 大家遞紙記得寫table no. 我成日唔記得=_=
不過last order之後個呀姐態度緊惡左少少.....

野食方面：
刺身 - 三三三三三三文魚！(叫左3-4 round )
- 甜蝦都係必試，細細隻，但食到新鮮好味！
- 其它都ok 但唔係我至愛
炸物 - 其實我見隔離枱叫我先想食，叫左蝦only，我覺得呢個mama...
熟食 - 金菇肥牛！！OMG，男朋友唔食菇，我1個人都order左2次，實在太好食
- 一口豆腐，好滑！同埋上面d木魚碎同d汁一齊食，唔會太濃ok wor！
- 清酒煮蜆，有1/5 ge蜆無開，其實食唔到清酒哇，但蜆夠鮮甜
- 炸芝士......Errrr 香口，我同男朋友唔中意.......
- 燒羊架，唔老唔生唔蘇，又無話特別好食
- 豬頸肉，WAWAWA，完全估唔到會跑出咁好食！XD
- 雞翼，ummm，普通野
- 燒墨魚丸，都係普通野，正常
壽司 - 火灸三文魚呢個必叫，我食左6-7舊都覺得好正！沙律同醬油燒都正！
- 花之戀，細細件，飯唔會太大舊，蟹籽多，正！
- 鰻魚，正常野
- 三文魚壽司，ummm，我會prefer叫火灸or刺身XD
- 海膽，正呀！我上次係北活道X壽司食過就唔敢再食。今次黎漁屋，係男朋友鼓勵下再試，好好食呀！
- 蟹籽，一黎見到咁多就覺得好滿足，咬落去係咁卜卜聲，好食呀！

Others：
1. 拿，老實講，呢度d壽司size係一口ge細件，所以明顯佢無打算用d飯塞飽我，抵讚
2. 我有d不滿ge係張table真係細得濟，仲要本身就擺左好多野-____-"
3. 好多人話海膽得好少，乜乜物物....但講真咁平有海膽食仲想點？少海膽未嗌多幾round囉
4. 仲有樣我覺得好大問題ge係漏單問題，我覺得成餐飯最要急切改善係呢樣。
5. 今次黎食唔到三文魚頭同魚腩呀，下次黎一定要食

中午12時到本打算避過午飯人潮,
但沒料到店已近坐滿,
幸好我一人前往也找到位置擠身坐下, 
甫坐下店外便開始排隊了,
看來我還是有一齊點點點運氣的

去之前已做出了資料搜集,
點了最多人推介的蕃茄通,
但怕吃不完所以只了蛋沒點其它材料,
同時也點檸蜜脆脆,
見熱門的咸檸七索價$15打算不點,
但想起友曾推介所以最後也點了.

飲料最先到,
是預先搗好的咸檸,
七喜是另外上的, 
味道是挺特別的,
鹹 / 酸 / 甜三種味道同時刺激著味蕾,
沒試過的朋友可以來試一下,
但價錢有點高我下次應該不會點了

很快主角蕃茄通($22)也到了,
(是日沒有米粉供應)
湯底有煮得很透的蕃茄,
很稠, 味道真的很濃厚,
酸酸地帶一點甜很是開胃
通粉是厚身的,
熟透不會硬又保持到彈性不會爛掉,
蛋是煎蛋, 蛋黃是汁液, 不是熟透的,
跟湯混在一起很棒!!
吃著通粉把整碗湯都喝光了

檸蜜脆脆真的很便宜,
$12有4小塊, 外脆內軟,
不過裡面再軟些會更好,
味道是不錯但個人喜歡再濃一些

p.s. 坐著太多人,
店員姨姨加了一張桌子,
顯得更擠迫, 已經跟其它食客背貼背了

是日晚上8時到達,
在門外等候大約15分鐘, 
(因為不想一邊走邊吃所以選堂食, 如果是外賣的, 直接進去買不用等)
侍應派Menu給在排隊的人,
看似很多款, 
但其實主要都是由抹茶雪糕 / 牛奶雪糕 / 白玉 等組合而成.

個人生怕紅豆會很甜,
所以選了牛奶抹茶白玉雪糕($44),
坐下大約一分鐘就有雪糕,
當然相機先吃,
但才拍幾張照雪糕已快溶了, 
雪糕有附送糖漿,
但想吃雪糕原本的味道,
所以也沒看見食客會下@@

先吃了抹茶的部分,
幾濃茶味的吃不到甜味,
店家應該當想保留抹茶原味吧,
再吃一口牛奶味,
挺甜的也很濃,
確實吃得出3.6牛乳的味道,
個人覺得混合兩種口味就適合,
因為抹茶單獨吃有少許茶本來的澀味,
單獨吃牛奶味又會有點甜,
混起來剛好

總括而言味道幾好,
但店鋪位置不太方便,
以後想吃抹茶牛奶雪糕我還是會去City's Super Sweets House Cha Cha, 
畢竟較近, 又不用排隊, 而且味道價錢也差不多