妹妹話帶我去食好西，平日無肉不歡，無飯食都會頭暈嘅我，聽到食Keto 都怕怕，但係妹妹叫到就試試佢啦！ 但係因為初次體驗，唔敢食晒全部都係Keto , 所以叫兩款share嚟食 1. 日本帆立貝明太子扁意粉 $112 帆立貝好大粒，夠彈牙，扁意粉加入咗明太子嚟炒，有淡淡鹹香👍🏻 2. 煙三文魚忌廉蘑菇雜菌蒟蒻麵 $108 煙三文魚份量好夠，蒟蒻麵被想像中彈牙同飽肚 3. 鮮牛油果沙冰 $50 平時唔會主動叫牛油果嘅我，第一次叫牛油果嘅飲品，飲落有少少似豆腐味，不過都幾清新👍🏻 呢間餐廳開咗唔係好耐，位都好闊落，環境亦都好好，灰黑色嘅主調，型格👍🏻

觀塘近來有很多新興的樓上餐廳，這次我們就來到這一間巧得鍋試試。 這間餐廳很寬敞，座位很大，坐得很舒服。裝修也新淨！ 我們二人點了巧得鮑魚雞鍋、貴妃蚌和日本廣島蠔。餐廳送了餐前小食和餐後水果。 巧得鮑魚雞鍋，我們人只是點了半隻的分量，但是一上菜的時候份量都很足夠。 剛上菜的時候雞鍋的香氣撲鼻，到翻熱至沸騰的時候，香味更加濃烈。這個雞鍋，半隻份量有四隻鮑魚，而且雞肉皮簿，啖啖肉，分量絕對足夠兩人食用。雞肉底味醃得很入味，再加上餐廳獨有的雞鍋醬汁，整個菜色非常的美味可口。而且青紅椒和洋蔥等其他配菜，都很新鮮很美味。所以我們很推介朋友來到這間餐廳試一試他們的鮑魚雞鍋！ 吃完雞鍋後可以要求餐廳加湯進行打邊爐，我們點了貴妃蚌，貴妃蚌很新鮮。水滾的時候，大約煮20秒左右就可以進食，熟度剛剛好非常的爽滑彈牙，而且鮮甜味十足。 另外我們還加了日本廣島蠔，份量很多而且每一隻都很肥美。 我們同樣是水滾後煮大約20秒左右，廣島蠔的鮮甜味很岀，而且蠔味很濃。 值得推介！ 餐前餐廳還送了一些小食，有涼拌蓮藕和鹽焗花生等。涼拌蓮藕很爽脆，醬汁也很美味可口。鹽焗花生就能夠保持一貫的水準，非常香口。 餐後餐廳還送了新鮮蜜瓜，冰鎮的蜜瓜清甜美味，很滿足！

下午2點去到，完全唔駛等位，可能因為本身餐廳都大，座位又夠多啦 餐廳人手唔多，職員收得錢黎又要上菜咁，所要都要等下 野食都真係幾抵食👍🏻👍🏻👍🏻💰 角切魚生食$78仲有8折 而入面嘅都角切都幾大粒，我第一次見人會放赤貝，雖然唔太大塊，不過都好正 另外個燒鯖魚定食（$58）都好抵，燒得岩岩好，唔會太乾👍🏻👍🏻 如果午餐加汽水都只係$5 丼飯同單點都會有8折👍🏻👍🏻 Cashier 位置仲有免費糖果，小朋友大愛

今日入左去Aisa world 做野，一行8人周圍行搵野食，本身想食kfc 不過好多人，所以上左黎食，8人枱坐得好舒服😌 不過無set 只有散叫，叫左個烤三文魚($128)味道幾好，肉嫩皮膽🤤 有朋友叫左千層麵，話份量細，味道一般 又有朋友叫左春雞，睇落有啲乾，不過食落ok 但有少少辣🫢 薯蓉份量都好夠👍🏻👍🏻不過啲豆賣相唔多好 餐茶散叫50蚊一杯左右，所以無叫 另外都可以加$88要甜品加餐飲 不過不失 指定信用卡有85折👍🏻

上星期同朋友行D2嘅時候發現左有幾間新店，即時約朋友開飯🤤 「銀座炎藏燒肉」門面同menu 都好吸引就試試佢啦 餐廳環境都幾舒適，好闊落坐得好舒服😌 點餐方面係用QR code 點餐，方便又安全 跟餐有沙律，湯，飯，沙律菜好靚仔🤵‍♂️，不過個湯就清啲，我比較喜歡濃湯 肉方面，有唔同級數及部位選擇👍🏻👍🏻👍🏻 雖然我掛住吹水，分唔到邊款打邊款，不過啲牛真係入口即化，完全無筋，好正呀，又濃又滑 會再去👍🏻👍🏻👍🏻

路過油麻地拎完身分證，就行左去廣華街搵食🤤 見到角位有間唔太起眼嘅拉麵店，仲要一點都大把位，就膽粗粗就入去試吓 店面細細，應該再以坐到10人左右，叫得和牛拉麵屋，當然要試試佢個牛，叫左「牛肩胛肉濃蝦湯拉麵」🐮 拉麵硬度適中，蝦湯好濃好甜👍🏻👍🏻但係隻匙羹個底太厚，「不」唔到碗底嘅湯，有啲浪費，蛋正常，反而個牛，牛味唔濃，又有啲難咬，下次再黎都唔會再叫牛

公路旁的一問cafe, 自然光透入cafe 內，有一種柔和又温暖嘅感覺🌞🌞 一點黎到，要等一等位。 有位了，點左個牛油果天貝壽司配腐皮千層，個腐皮炸得好香脆👍🏻👍🏻👍🏻壽司嘅牛油果味唔太突出，但正好適合唔太好牛油果嘅我，份量方面都幾適中，不過男士可能就會唔夠食🤣🤣，而且所有餐都係即叫即做，雖然要等，但都感受到製作認真👍🏻👍🏻👍🏻 跟餐會有湯或茶，亦可以加錢轉咖啡，呢杯咖啡正好為blue monday 打打氣，下次想試埋佢嘅甜品、仲有曲奇🍪

牛頭角比人嘅印象係，工廠、舊、要去就去觀塘 不過咁啱今日要同朋友去牛頭角上workshop 就上OpenRice 搵下有咩選擇 點知比我見到咁間cafe 睇落個樣咁錯，就試試佢 6:00左右去到，人唔太多，一早book 左位，所以有個窗口卡位，叫左一個叉燒。蒜芯。甜醬油漢堡（$128）個包脆脆地👍🏻，日式叉燒甜甜地又唔硬👍🏻仲有件蛋👍🏻不過條蒜芯就好似唔係好夾。 奶油羅勒干貝意粉（$128）意粉個醬好香濃，份量適中，有三粒帶子，味道👌🏻 另外再叫左2杯有機多明尼加朱古力，好好飲，又香又濃，仲有少少橙香😍😍😍

囝囝獨愛呢到嘅鰻魚飯，所以好多時都會黎 入座前要先order，叫左野食，比左錢再搵位 叫完餐之後可以自助去拎湯、飯、沙律同醬料 食完個沙律🥗，好快主食個肉就到，10分鐘左右啦 牛舌厚切，有3塊，最下面個塊有啲乾，上面個2塊都好軟嫩👍🏻 鰻魚以呢個價錢黎講都算低食 呢度最飄忽嘅係個湯，有時好好飲，有時就好淡好似溝咗好多水咁。真係好睇廚師嘅心情 好可惜今次廚師心情唔太好，比較淡！飲咗半碗就停口 白飯方面應該都係珍珠米，仲有紫菜粉可以加落去，唔錯

好耐無食，琴日心思思行左過去食！ 叫左個9隻韮菜餃加蘿蔔$47 等食期間，餐廳內冷氣機滴水 2點去到keep 住都好多人，2個職員做到無停手 餃子好大隻，但係食到等4隻，覺得有啲酸味，無再食🙈🙈