今日又喺屯門搵食，午餐一人前食乜好，同事介紹話 「榮少喇沙」好味道，喇沙湯底底夠正宗，去到同店員傾開，話老闆將湯底有所改良，迎合香港人嘅口味，蝦米來取代味道較濃的的蝦殼再加雙倍椰奶結合起來，令湯頭椰香突出，湯汁更滑溜，辣得舒服不嗆喉👍🏻👍🏻 除咗喇沙湯底正之外，魚湯和特鮮芫荽魚湯都好出色，特色小食都好味道，尤其炸物，即叫即炸好香口，重非常抵食😋 🍜▪️魚蛋魚片喇沙 （油麵溝米粉 ）$ 45 湯底真係冇得輸，蝦和椰香味香濃，飲落順口，油面同米粉，我都鍾意食，所以揀咗兩溝，口感爽口又軟腍，魚蛋和魚片非常彈牙，仲有兩件吸汁嘅豆腐卜和半隻蛋，呢個價錢會唔會太抵食 🍱▪️小食拼盤 （雞翼，蝦餅，春卷）$ 32 樣樣小食都想食，就點個拼盤，全部即叫即炸，一點都唔油膩，非常香口，特別喜歡雞翼外脆肉嫩夠入味，另外春卷係原隻炸蝦網紙春卷，沾上甜辣醬好好味道 🫛▪️鹽味四季豆 $ 20 呢個估唔到係我必食推介，四季豆香口爽嫩，炸完之後一d油都冇，簡單加上鹽調味，已經好好食，越食越唔停口

之前次次經過旺角呢間野都見到好多人排隊，條隊勁長，心諗一定係好食或者好扺食，所以決定一定要去試下😤難得今日平日放假，又出開旺角，所以去一試，不過無諗到星期一晏就2點去到都有四五個人排緊隊，好彩都算快 見佢最出名係牛丼，所以試左温泉蛋燒肉飯同三重熱溶芝士燒肉丼，兩個飯都好快上，不過賣相就真係認真麻麻，燒肉都無咩特別，十分之普通，另外仲叫左個炸雞，送到黎係凍既，好似叮返熱既急凍炸雞咁，矲金錢都唔係算平，完全唔明點解咁多人排隊😨

地方大、方便、較安靜，適合傾計、開會等等。但真心，食物質素很一般，外賞唔錯，味道卻得50分吧。 叫左幾杯野飲，焦糖無焦糖，花茶又得果酸字。沙律很少沙律醬，很dry；意粉睇落好好食，但食落卻淡而無味，同埋很油；Pizza都係，超級油，食兩啖就唔想食。6個人一人一杯野飲同一個主食，都近用了$1000。 另外，明白係自助Cafe，無職員Serve，但我發現每位職員都很黑口黑面，我問個簡單問題，職員直頭連答都唔想答你，唔單只係我，而係個個食客問野都係咁，唔想應你，咁既服務態度實在少見。

今日係同老公既紀念日，於是去左中環行街，行到肚餓，就去左米芝蓮推介既食burger！
行到入去，就有個外國女待應生好熱情咁同招呼我地，跟住就放低左個餐牌，仲介紹有咩野食，招呼好好。
同老公睇完餐牌黎，我地就決定叫一個The Burger, Duck Fat Fries同Red eye reduction 。
等左一陣，野食就送到啦。首先係The burger, 岩岩好medium rare，非常juicy，好奇怪既係個burger bun比其他地方細，所以食得有小小麻煩，但超級好食。

而另外果個Red eye reduction，同The burger 差唔多，只係多左隻煎蛋，由於太麻煩，怕食得好無儀態，所以就俾左老公食，老公話岩岩好medium rare, 非常juicy，老公食到津津有味。
不過個Duck Fat Fries炸得唔夠crispy，有啲軟淋淋既感覺，所以有點失望。

總括黎講，食物都算中等，環境有外國feel，坐得好舒服，唔會太迫，唔怪得米芝蓮都推介佢地啦，perfect!!!

大約半年前已知道這裡推出了一款青蘋果外形的蛋糕，卻一直未有機會來試，直到前天才下定決心來「大灑熱血」......
來到的時候約兩時半，未見青蘋果深感失望，卻也能挑了其中八款，因為這年半來這裡的進步實在太無法意料了。
幸好到三時前後，青蘋果「出爐」，最後也帶了回家。

Napoleon (HKD38)
雖然酥餅不是能輕易以「餐具」切開的貨色，不過仍算酥脆，而且油香十足還帶微微的烘烤香，完全不見冷藏的後遺症。蛋奶餡也幼滑甜味，雲呢拿味自然不過火，也不會過份企身，是名符其實的醬。鮮雜果也是優質的，醒神怡人，為甜膩的千層酥帶來一點刺激。Mango Coconut Gateau (HKD38)
外層Mousse不如預期中有濃烈的椰子味，而是有淡淡的椰香，撇除了「香精做味」的嫌疑。而Mousse內層的是芒果醬流心，芒果醬也是甜味討喜，果香十足。其下的是零散的椰蓉和鬆軟可口的蛋糕片。連同一片片的白朱古力片來吃，芒果、白朱古力、椰子，這三者組成的神奇組合，成功俘虜了我。Vanilla Chestnut Gateau (HKD38)
栗子蓉軟滑而甜度適中，栗子Mousse雖然栗香令人滿意，而且朗姆酒酒香也令人陶醉，不過層次上沒有太大驚喜。當中的雲呢拿吉士餡蛋奶味十足，也相當幼滑。
蛋糕底不是普遍的原味蛋糕片，而是朱古力味，論配搭還是原味較合適，味道沒那麼濃烈，不過蛋糕也是濕潤鬆軟的，而朱古力香也不是單純的開粉貨色，誠意可見一斑。Forest Berries Mascarpone Cheese Cake (HKD38)
幼滑清甜而芝味異常濃烈的Mascarpone Cheese同時軟滑順喉，搭上黑加侖子醬毫不見膩，不過黑加侖子醬還需酌量減少。其下的朱古力脆脆增添了層次感，爽脆味美，令人回味。
而且這件餅賣相精緻，酷像雞蛋花，怎能叫人忘記呢？Strawberry Yogurt Cake (HKD38)
士多啤梨Mousse亦然細滑無暇，酸甜適中，外層噴雪同樣帶來討好的質感。內裡的乳酪Mousse讓人有煥然一新的感覺，不是賣假的，是真真正正的乳酪味。朱古力蛋糕底同樣出色，草莓粒也甜味多汁，叫人着迷。Yuzu Cheese Cake (HKD38)
內裡的Cheese口味偏淡，質感似Cream。柚子醬酸和芝士組成了完全不膩人的組合，加上朱古力的香脆碎和白朱古力的碎屑，不但層次豐富，味道也互相補足。整件餅實在難以言喻地叫人驚喜，不過稍嫌柚子醬過多，未免有點踩過界。Lemon Tart (HKD30)
撻皮雖然香脆，卻欠油香，與酥餅不是同一個級次。
檸檬餡雖然幼滑卻檸酸不足，全然被酸溜的紅莓搶去了味道，檸檬方面沒有應有的如同突如其來的刺激，叫人失望。

0

Cream Horn (HKD30)
外層酥皮甜香足，油香足，內層鬆軟可口，帶點韌性。吉士餡亦甜美幼滑，香味出。雖然美味，卻也未見特別。雖然確是帶了青蘋果回家，可是因一時不慎而毀於掌中，所謂「無圖無真相」，所以留待下回再評吧！