剛剛對上星期都看過節目介紹過呢間小店位於北角，地鐵站一出行一分鐘已經到達

我都心思思去一去食先，個位置在轉頭位行入幾步就見到

去食過 LUNCH 都見到中午時段有很多OL 去食呀意大利餐廳

門口位置介紹店中食物既類別小店座位都有20個多左右，環境及衛生都不錯

都是一個可以傾計既好地方。四周既環境都好舒服

而且服員工服務態度都非常有禮

小小的地方裝修得好優雅自家製意大利香草麵包配上沙律菜 (黑醋汁)

點了套餐附送的有麵包同沙律菜，麵包又熱又軟綿綿

每一口點上黑醋汁令我更加開胃惹味可口沙律菜非常新鮮爽脆

鮮甜可口係一道健康小吃店員非常細心推介小食

我見到餐牌有介紹~~黃金炒薯條~~ (期間限定)

French Fries $58

黃金蝦就食得多，薯條真係第一次食來到真係要襯熱食，入口好香好突出既鹹蛋黃及牛油味道

每條薯條都唔會痴住一團，一條條脆身又不會覺得好油份多

味道鹹香不過食左半碟都覺得有0的飽肚感

值得推介比大家來吃 好抵食同都好大碟既薯條

一邊食這種味道真的很難停下來

澳洲藍青口意大利飯每口都充滿啖啖濃郁鮮香，意大利飯有著微辣的味道

有蓄茄同好特出既香蒜氣味，飯的口感軟熟度適中，

讓我嘗盡藍青口既鮮味藍青口是新鮮空運到港，一般可存放最多7天

以保持食物水準及新鮮度另一個LUNCH SET 點了雙重芝士薄餅 (doublecheese)

老闆話採用意大利麵粉，加入適量墨汁再發酵，再用人手捏餅，

手法和手感將決定整個薄餅口感非常重要，我相信都花了不少時間。用墨汁做餅底又薄又脆口食落卜卜脆，PIZZA 舖了水件芝士及帕爾馬芝士

而加唔覺溜，仲有蕃茄都散出濃濃既香味

自家製一手一腳搓的薄餅真的比用機的搓很大分別唔好睇佢雙重芝士個內觀好似唔飽肚，一個PIZZA 有8-9吋

2個女仔吃了2片都已經非常飽肚，所以如果點這個餐帶個男仔去會更加好。餐廳內用上木製桌椅及椅子上，還有黑板自家繪畫重點握介美食。 我好想點這個Tiramisu 泡沫芝士杯來吃，

不過實在太飽為有下次2個女仔每人消費約150蚊

小店我都很推介，每個美物花盡不少時間

用100% 保留傳統人手來炮製所有意大利式美食，而且價錢真的好抵食

這天走到大角咀，胡亂走走逛逛期間，看到一間裝修很明亮的餐廳，看着餐牌原來是買漢堡包，正值晚飯時間，於是入內用膳。 餐廳所售賣的漢堡包均很有特色，有一些可能在坊間會見過，例如和牛漢堡，但有一些非常有心思的配搭，例如黃金流沙醬蝦堡、川式麻辣醬堡、和風柚子照燒醬堡等等，迎合各類食客口味。 今次點了一個芝士和牛堡，配搭血橙梳打和鮮果盒。和牛十分厚實，啖啖肉口感滿分；配搭生菜和車打芝士，營養更佳；以咸淡得宜的秘製醬汁調味，滋味十足。 血橙梳打甜度適中，也不會酸，夾雜少許果肉，很能協助在炎炎夏日降溫。 鮮果盒內有哈密瓜和西瓜，爽口清甜，也是另一解暑之選。

同阿哥行完山，佢話帶我去大排檔醫肚。心諗可唔可以揾間坐得舒服啲既餐廳呀，兩隻腳都己經好倦啦。 呢間楚撚記大排檔係新朝派，同舊式大排檔格局差很遠。環境乾淨又大，坐得舒服好多。原來阿哥知我想點既😁😁😁 兩個人，叫左三餸一湯，再加個豬油撈飯，正呀👍👍。 楚撚原隻脆豬手 $138 招牌菜，一定要試。 豬手拆肉起皮，連骨上。 皮脆到食落去卡卡聲，好過癮。豬手肉很軟腍，脂肪比例少，吃起來不覺油膩。 份量多，最後要食晒啲皮，打包左半隻連骨走，返屋企第日仲可以煲湯。 香煎黑松露手打蓮藕墨魚餅$96 墨魚餅兩邊煎到金黃色，陣陣黑松露香味撲鼻而來，咬落去爽口，仲食到粒粒墨魚粒，口感豐富。 飛天通菜煲$78 用左蒜頭，紅椒粒，青椒粒和蝦干去炒，熱辣辣，原煲上，好有火喉。而且，啲蝦干很大隻，蝦味濃郁。成煲飛天通菜好惹味。 老火菜干豬肺湯（細）$98 可能豬肺難清洗，步驟煩複，所以呢個湯特別貴，但呢度唔使一百蚊就有得飲，邊到揾。 佢地湯水和湯渣分開上，湯可以裝到四大碗。清甜，唔會覺得有怪味。豬肺洗得乾淨，很軟滑，都有五六件。個湯仲用左豬骨，雞腳和菜干一齊煲，難怪咁好飲啦。 豬油撈飯（碗）$20 第一次食豬油撈飯，怕太肥太油。 不過呢度就可以自己控制，有一瓶豉油和一瓶豬油比你自己落，份量多少隨意，所以可以放心叫碗黎試下。 落左少少豬油，個飯已經好香，加點豉油，伴埋啲芫茜和蔥花，食晒成碗白飯都冇問題，難怪菜生咁鐘意食。 免費糖水$0 估唔到有免費糖水飲。有薑汁蕃薯和清保良兩款。我地各叫一款，可以一次試晒二種味道。 薑汁蕃薯係熱食既，偏辣，飲落去喉嚨好舒服。太飽，所以放棄左兩件大蕃薯。 清保良係凍食既，好足料，唔會太甜，很解渴。

近日好事連連，兩口子決定慶祝一下，預約了Yume夢的晚餐，是廚師發辦。餐廳位於中環一幢商廈的一樓，交通方便。 廚師發辦，貴乎驚喜。整晚的食物，無論賣相和味道，均是滿滿的驚喜。

這一款選用了來自靜岡縣的蜜瓜，打成泡沫，放在上方，由北海道粟米墊托。粟米炸過，非常香脆，但不會覺得好熱氣；而且粟米與蜜瓜香氣出奇搭配呢。
這一碟一上菜，絕對令人驚嘆，因為賣相實在太吸引了，雖然人在室內，但仍能透過這個擺盤提醒大家當刻正處於炎炎夏日。這裏共有四款食材，侍應介紹過後，也提示進食的次序，先吃艇仔上的南瓜，再吃救生圈上的小包，然後吃海上的無花果果凍，最後吃沙灘山旁邊的海苔Wasabi青椒組合。南瓜是很香脆的，小包則比較軟綿，無花果果凍實在很適合放在海上，因為那軟綿綿而稍微冰凍的效果，彷彿令人置身海上，而我最喜歡的是最後的一款，因為海苔做得香脆， Wasabi經過特製，並不會辣，上面的青椒亦然，非常有心思。 這是海鮮的組合。面頭是大大片的金箔，蓋着的是用龍蝦所做的泡沫，底層放有三文魚籽、海膽和麵包蟹。侍應建議拌勻後享用。這是一個滿滿海鮮香味的組合，作為海鮮愛好者，吃得十分開懷。 這一款上菜時，侍應提醒我們可以拍攝影片留念，因為打開木盒之後，縷縷輕煙隨隨飄起，那一陣煙亦經過細心設計，當中混合了芝士、菜和魚的味道， 十分特別。內裏包括幾款刺身，例如拖羅和象拔蚌等等。當中我最喜歡的就是那兩款拖羅，入口即溶，鮮甜美味。 這亦是令一款很有設計感的食物，三款食物均與蟹有關，放在中間的是一隻非常鬆脆的蟹仔，輕輕一咬，就可一分為二。蟹下的以為是石頭嗎？其實是一粒松葉蟹丸，口感軟滑，味道香濃。小屋內的是蒸蛋，混入蟹肉，海鮮味十足。 這是另一款需要由食客自行打開的美食。移開上層的和紙後，隨即會見到一層透明的果凍，這由柚子酒所做，蓋着各款海鮮刺身。兩款食物走在一起也是美好的配搭，因為柚子酒味道很清新，和海鮮刺身的鮮甜可謂絕配。 這是海膽創作料理，底部放壽司飯，混合了馬糞海膽、黑松露、三文魚籽和指針海膽，味道的香濃可想而知，而且亦令其變得非常名貴。為令這種名貴的感覺發揮得淋漓盡致，大廚選配了一隻非常精緻的碗去盛，這一款碗全球暫時只得29隻，特別之處在於不同光線下拍照會見到不同顏色；匙羹使用鮑魚製作，同樣名貴。 喝一啖濃淡得宜的麵豉湯，隨即進入這一餐的尾聲。 甜品是日本的桃子和焦糖雪米糍，通通放在書本中，而雪米糍下方是一個放大鏡，和書本的主題來了一個很好的配合。日本桃子清甜爽口，焦糖雪米糍甜而不膩，一口吃下的感覺相當滿足。

日月堂位於觀塘興業街永興工業大廈內，餐廳充滿工業風的韻味，而日月堂是台灣食品為主的餐廳。 到餐廳入口才發現很多人在輪候，於是轉為外賣，除了不用等位，還可回家觀賞奧運賽事。 等了十多分鐘，外賣已預備好了。回到家中食品仍然是熱騰騰的，而且湯和麵分開盛載，所以不會影響口感。是晚我們點了滷水雞翼麵，轉新竹米粉，還有牛三寶麵。小食點了酥炸魷魚、台式麻辣臭豆腐。飲品選了珍珠奶茶加胚芽以及仙草奶茶。 滷水雞翼的滷水味道很有特色，滷水濃濃，帶有酒香，雞翼香軟入味。而米粉份量十足，米粉亦算有咬口，配合清湯是不錯的選擇。 牛三寶麵份量十足，味道與香港的牛腩麵非常相似。牛三寶麵分別有牛腱肉、牛筋和牛肋條，三款餸各至少有兩件大的份量，其中牛腩非常軟滑。麵質亦是恰到好處，配以濃湯是非常可口的麵餐。 酥炸魷魚極其香口，令我想起香港街頭美食，亦是我不二之選。 台式麻辣臭豆腐是非常接近旅遊台灣時食到的臭豆腐味道，麻辣夾雜著少許臭豆腐獨特香味，只可以用「醒神」來形容。喜歡香口臭豆腐的朋友不妨一試。 珍珠奶茶加胚芽感覺與一般手搖飲品店買到的分別不大。而仙草奶茶茶味突出，仙草份量亦足以每口都能吸得到，不過不失吧。

對朗廷酒店有一定的好感，由首訪的貴氣英式下午茶，及至二訪的美式漢堡餐廳，食物水準都令人滿意。這次選上的Bostonian Seafood and Grill主打多國菜，有着先前的良好印象，也就更令人感到期待。 Bostonian Seafood and Grill位處於酒店的地牢樓層，跟廷廊的英式貴氣，Main St. Deli的輕鬆悠閒相比，有截然不同的風格。工業風的裝潢，配上藝術風的掛畫，是品味的低調呈現。星期日下午供應半自助早午餐，成人每位$648包含自助頭盤、餐湯、主菜、甜點和飲品，光顧的客人也真不少，氣氛熱鬧卻不覺喧鬧。 Brunch由自助頭盤開始，有沙律、海鮮、刺身、熱葷、芝士等選擇，貴精不貴多，走精緻路線。整理質素偏高，不覺追加了三輪才罷休，其實往後尚有份量十足的主菜，若然胃納不多還是留肚為妙。
凍海鮮部分最為精彩，除龍蝦、翡翠螺、大蝦外，有三款不同產地的生蠔供應，頗受食客歡迎，不過在密密追加下，一定能嚐遍三款生蠔，新鮮程度要吃上最少半打才罷休。 除凍海鮮外，也有焗生蠔和烤扇貝供應，意外地相當美味，特別推介焗生蠔，蠔身肥美而蠔味重。 特別鍾情兩款沙律，分別是貓耳朵沙律和青蘋果雞肉沙律，前者口感獨特，後者帶堅果的香氣，十分特別。巴馬火腿、沙樂美腸、煙三文魚、芝士都是水準之上。 事前不知道除自助頭盤外，主菜奉桌前會奉上餐前小食，沒有「留肚」的我看到這二輪頭盤有點措手不及。 第一款香蒜焗龍蝦配磯煮飽魚，比自助頭盤凍食的龍蝦更見出色，龍蝦鮮味更突出，黄澄澄的蟹膏又香又軟，而磯煮飽魚亦同樣鮮甜。
另一蟹餅配鴨肝款亦同樣不俗，蟹餅滿滿都是鮮拆蟹肉，而對於喜歡鵝肝的我來說，那鴨肝多士若然以鵝肝取代便更為理想。 是日餐湯是磨菇忌廉湯，湯身的濃稠來自切得細碎的蘑菇，菌香濃烈得很。 事前已不斷提示自己要預留胃納吃主菜，只因主菜都是以肉類為主，選牛扒則要加錢升級。 雖然甚愛牛扒，但Brunch的内容物實在豐富，因而選了更有特色的威靈頓牛柳。牛柳以酥皮裹着，外層烤至金黃色，內裏仍保持肉嫩。牛柳肉味濃，肉質有彈性。酥皮十分脆身，釀入巴馬火腿及蘑菇，吸收了牛柳的香味更加滋味。 友人的紐西蘭焗羊架更有驚喜，肉香而不羶，肉質軟嫩無筋。 甜品以拼盤形式上桌，四款甜點分別是Jell-O 、 Hazelnut Cake、Profiterole和Baba Lemon，即使跟友人分享也覺太豐盛了。 Jell-O就是小時候常吃的啫喱，草莓的的甜膩該屬小孩的口味吧！Hazelnut Cake口感鬆軟，只是沒有很特別。Profiterole的泡芙外層脆感十足，開心果忌廉柔滑得很。Baba Lemon那綿軟的蛋糕以檸檬蜜醬浸透，蛋糕濕潤度有點過了，這口感實在是吃不慣。 早午餐總會比午餐豐富，卻料想不到會豐盛至此。不過難得假期，像這樣放慢用餐的步代，盡情吃喝談笑一番，也是賞心樂事呢。

去完參觀半億噴泉，心情其差，要食好西發洩。 係駿業街就揾到呢間板神，日式鐵板燒，同我內心既怒火一齊燒啦！ 店子用房間分隔，每房可坐七人。有膠板分隔，環境衛生很好。 櫻。席前鐵板燒二人前 $1080 送活龍蝦一隻。同個半億噴泉相比，呢餐真係好抵食😋😋 前菜 青瓜粒，青甜爽口 時令沙律 有粒粒蘆薈配青新既沙律菜，粟米和蕃茄仔，味道清爽開胃，作為開胃一流👍。 時令刺身（五款） 帆立貝，池魚，鯖魚，金木鯛，深海池魚 ，款款都新鮮厚切。柔嫩的魚肉配以手作的青芥末和濃郁既醬油，青芥末凸顯刺身的美味。 鐵板燒銀雪魚 廚師以香草牛油和特製醬油調味，魚肉入口溶化，加埋啲魚油，滿口都滋味無窮。 先把魚皮和魚肉分離，然後把魚皮弄至金黃色，燒到似油炸般香口，脆卜卜。 鐵板燒活南非鮑魚 廚師巧手地把鮑魚拆殼，先煎香後焗，然後切片上碟。鮑魚味道鮮甜，肉質緊緻爽嫩，入口彈牙，不用醮調味料已經很好吃。 鐵板燒龍蝦 龍蝦是贈品，但一樣屬上等貨，絕無欺場。 廚師先起肉，再以龍蝦汁和龍蝦膏一齊炒，惹味非凡，龍蝦肉鮮甜彈牙。真的不能相信這是贈品。賺了。 龍蝦麵豉湯 用上剛才剩下既龍蝦頭弄成既麵豉湯。龍蝦頭一向我都覺存有大量精華，吃不了很浪費。現在做到物盡其用，更讓麵豉湯帶點咸甜味。 血皿：美國牛肉薄切二片 牛肉大大塊，油脂分佈平均，包裹著大量蒜片，香蔥，燒至牛肉變色，然後放在多士上，讓多士吸去多餘既油份。 把口張大一點，整份牛肉卷放入口，牛味，蒜味，蔥味直湧口腔，味道完全滲透進各個味蕾，滋潤了每一個味蕾。 煮野菜 食左咁多美食，食返啲青菜，剛好可以清洗一下味蕾。入面其實有很多材料，除了大量青菜，仲有櫻花蝦，香菇，蝦米和木魚碎，味道清新。 炒飯 配料簡單，但就色香味俱全。 甜品 迷你蛋卷，有綠茶和朱古力味各一件，一口一件，剛好。 意外仲有贈送既烤焦糖牛油多士。對！又是送的！而且也很好吃，脆脆的，甜甜的。 足足有成十一道菜，有得食好西，又有得睇廚師表演，呢餐食完好滿足。

今日落開尖東，睇見個噴泉水力強勁，氣勢磅礡，同觀塘新噴泉好大對比。 做完野，就去左附近茶記食飯。點知呢間茶記有驚喜，CP值超高。唔通同個高質噴泉有關？高質噴泉配高質茶記。 地方大，坐位位置唔算迫，仲有大卡位。 比一般茶記坐得舒服。 至於有幾正？餐牌顯示價錢大眾化，尖東黎講係好經濟。 餐湯係羅宋湯，偏酸但足料，有大量既配菜。 皇袍原條鰻魚飯$68 條鰻魚長過個碗，長過我隻手掌。鰻魚下面就係皇袍炒蛋，感覺就像蛋包飯，差不多包裹著碗白飯。碗飯淋上惹味既鰻魚汁，餐廳無手軟，鰻魚汁勁多。成碗飯吃得津津有味，出面好難揾到又平又正既鰻魚蛋包飯可以同佢比恲到。 ALL DAY BREAKFAST $65 價錢平，但食材一啲都無將價就貨。 黑松露炒蛋，啲黑松露唔係做點聚，而係混入晒成份炒蛋裏面。個蛋似係煎蛋多過炒蛋，不過有大量既黑松露係入面，所以都係好食既。 牛角包好鬆軟，薯餅也很香口。 那條巨型司華力腸，廚師用心在腸上雕花，很有誠意，吃起來特別美味。 還有火腿，煙肉，茄汁豆和大量既沙律菜，男士吃完也會覺得飽肚。 嘆埋杯港式奶茶，簡直心曠神怡，竟然可以比我係尖東揾到間平靚正茶記。

在門口想著要不要進來時，就見到您打開門迎接。看見婆婆精靈又熱情地招手，實在誰也沒辦法不進去。 店子雖然小，但您不停招呼客人來會走動，所花的體力都不小。看您的年紀必定比我家老人家還大，實在佩服得五體投地。 因為您，店子充滿了溫馨的氣氛。每一個入來的人都親切跟你打招呼、走的人也必定跟你說拜拜。店裏的客人都和你有講有笑。 我要跟您坦白，其實我不太聽懂您的方言。但您的貼心我卻徹底感受到。您關心我凍不凍，讓我轉去較暖的位子；問我喝不喝水，轉頭就拿了兩杯水來，然後還教我點餐，幫我下單，再教我如何吃鐵板黑椒豬扒飯。 您很自豪子女孫兒在店裏幫手，我也很佩服他們的廚藝。這個鐵板黑椒豬扒飯，$43。熱騰騰又辣得惹味，底下的飯焦香脆，份量又多。 麻麻辣辣櫻花蝦炒飯，$42。微辣又香口，配料足份量多。因為有婆婆您看著，我和家姐都不敢吃剩。不過下次我們就懂得帶飯盒來了。 您說這裏還有很多菜式，很開心地講給我知。還叫我們多點來。我也可惜為什麼之前沒發現這間店。我和家姐都覺得這裏一定會成為我們的飯堂。婆婆，記得我們答應了您下星期再來光顧嗎？希望到時您還記得我。

而家咁既環境，我就唔敢掃街啦。但每次行過旺角，啲街頭小食就不停吸引我對眼，喉嚨就不停吞口水。今日，終於比我發現呢個地方，人小，又乾淨衛生, 我可以盡情掃街啦。 田灣食mart入面既凝香園，乜野既街頭小食都有呀🤩 食物價錢好似時光倒流，平到嚇死人。$10格仔餅，$20碗生菜魚肉，唔食走寶。 魚肉碗仔翅$22 雙併都係$22，仲要超足料，有食羮既口感。魚肉又多又大件，有拇指咁粗，認真誇張。 而阿姐知我食得辣，就比左成坐山咁高既辣菜脯，所以碗翅既顏色都染紅左啦😆好味又抵食。 腸粉魚蛋燒賣餐$16 $16有魚肉燒賣二粒，咖啡魚蛋三粒，白滑腸粉有四條，請問邊到仲有咁平。腸份真係好滑好食，加埋混醬食到甚過癮。 腸粉控既我地，再叫多份腸粉$10，一於掃街當晚餐。 格仔餅$10 即叫即製，熱辣辣。醬料塗得滿滿的，牛油，花生醬，煉奶，再加大量砂糖，搞到我地食到變花面貓。 肯好呢度有自助清潔區，洗手清潔無難度。呢個細商場都竟然有咁既設施，即刻對佢加分啦。呢度仲有泊車優惠，不過食左咁多野，我就會選擇行返去香港仔坐車減少罪惡感啦。