在基督教預苦期期間，要週圍尋找提供素食餐單食肆，Cafe 1980s是其中一間，每天的午餐及餐單中都有不少素菜菜色。 第一次，雜菌饟茄子，味道十分配合，但最精彩是䊢汁，帶出茄子香甜，一試難忘。 第二次是雜菌粟米心意粉，要提的是精選粟米心，清甜非常，並且全無草青味，本不喜粟米心，但改觀了。 最後，大啡菇雜菌意粉，充分保留大啡菇的"菇汁"，令意粉充滿大啡菇的香味。 不可不提的是餐廳的咖啡和奶茶，即磨咖啡香而不濃，奶茶奶和茶精準配搭，既香且滑。 能把素菜烹調得美味，其他菜色應該有一定水準。家人推薦豬手，預苦期後，定不會錯過。 有心食肆，食到細緻製作，工業區，堅持晚市營業。

今天約咗好耐冇見嘅舊同事係荔枝角食lunch, 我哋去咗佢公司對面嘅一間cafe食lunch set。 Cafe 以綠色為主，佈置咗好多花花草草，係度食嘢可以一解工作嘅辛勞。 每天都有不同的午市套餐供應。 法式蘋果醋烤豬扒 配咖啡（$58） 有兩大塊煎豬扒，味道OK，吾乾身，蘋果醋汁酸酸甜甜好醒胃，伴碟有芝麻醬沙律菜，夠清新。 盛咖啡套杯碟好精美，咖啡易入口，適合初初學人飲咖啡嘅我，朋友話這杯咖啡是一杯合格的咖啡。 整體食物質素吾，價錢吾貴兼吾加一，抵食！

平日兩點後，lunch set 全部九折。 今日黎左兩個set。分別係特色沙丹豬扒（$58)、香煎香草牛油牛扒（$68)。可以選擇飯或者意粉。 牛扒set就有一塊牛，有滿滿的牛油同埋充滿香草味。牛扒唔太厚，煮得剛剛好，都算有牛味唔同一般茶果d。而意粉都有用香料煮過，本身而有味。一啖油香牛再配一口意粉，中和油膩，食到牛扒的香。 而沙丹豬扒就豐富d,有兩塊豬扒、太陽蛋、菠蘿同少量配菜同埋汁。豬扒好味過牛扒，因為煎得好香，唔會煎到塊豬好似擦子膠咁。而呢個意粉相對咸少少，同其他餐廳唔同，佢連意粉都另外煮過先上。所就淨係食意粉都唔會dry. 而呢個set包咖啡或者菊花蜜，我選擇左菊花蜜。仲有一朵小菊花係入面，好清香。減左肉的油膩，真係一流！呢杯唔似茶包沖出黎！ 9折埋，真係幾抵食！

星期六，陪老婆去荔枝角逛香工，為咗有力氣，食個豐富的午餐是必需的。半島返工的朋友介紹樓下有好嘢食，咁今天的開幕嘉賓就選定Cafe 1980s。 餐廳裝修有格調 餐廳有自製的菠蘿包，好戲在後頭。 黑松露牛肝菌野菌忌廉湯和甜品(+28)，午餐配上的餐湯和蒜蓉多士，絕對是餐廳的級數。 蜂蜜烤慢煮去骨德國豬手 (非油炸) ，你估吓幾錢？？88蚊有咁嘅嘢食，係唔係嚇我呀。仲要係慢煮，女士們也不怕熱氣。 雖然不是原隻豬手，不過份量是一定足夠的。由於慢煮，沒有了脆脆的豬皮，但卻帶來了另一煙韌的口感，一眾食友，絕不可錯過。仲有，豬手的味道，絕對可比併燒和炸的。 烤雞扒沙律配芝麻汁，香噴噴的烤雞扒再配上芝麻汁，就已經是無敵，再加上Fresh的沙律菜，OL們的一個午餐，足夠了。 1980s cafe 風沙雞翼 6支骨 + 粗薯條，我真的是有一種偏好，凡事餐廳名為名的菜式，絕少放過。用上避風塘式的估法配上雞翼，絕對是其香無比，奈何大排檔點解無諗到？？ 黑松露蟹子玉子燒，香滑的玉子燒，配上黑松露佔特別味道，就是“好好味”。 D24 大菠蘿，當菠蘿包與上D24榴槤打成的醬配上雪糕時，無論你有多飽，都一定會食晒佢。必試！！必試！！必試！！（重要事情要說三次）喜歡榴槤的你，真係奇爽無比；接受榴槤的你，一定不會拒絕；未食榴槤的你，怕你從此愛上。 1980s 奶茶 24 奶蓋抹茶

閒逛荔枝角遇到呢間cafe，剛好肚餓就入去食嘢醫肚！餐牌都幾多嘢揀，而且價錢相宜，我今次揀左個去骨蜜糖德國豬手！味道係ok的，好林同入味，但稍為肥膏多左dd，個汁幾好味！跟餐有得揀即磨咖啡，又幾好味喎，可惜細杯左少少！整體我覺得唔錯，服務亦好細心快捷，雖然位置不算太近地鐵站，但亦唔難揾，值得再去，希望有機會試晒咁多款餐😂

開業才三個多月的Cafe 1980s一改之前coffee shop的形式，以創新食物，親民價錢吸客。 一改前身的coffee shop格局和經營手法，成為注入大自然元素的cafe 午餐的選擇豐富，也有全日套餐可揀 有專人為你奉上食品又免加一收費，服務一流
(晚上六點前免加一收費)

午餐加$28-HKD就可以換購黑松露牛肝菌野菌忌廉湯，香濃的雜菌味道，還喝到薯仔蓉的口感

大蝦雞蛋沙律凱撒汁
滿滿的沙律有大蝦、雞蛋和生菜，略嫌沙律醬汁重手了一點
芝士煙肉焗蒜蓉法包 塗上滿滿蒜蓉的法包烤焗後超惹味，加上半溶化的芝士煙肉粒，層次更加豐富

蜜糖烤慢煮去骨德國豬手
標榜健康烹調的Cafe 1980，食物不經油炸，慢煮豬手不油不膩，肉質鮮嫩，可以看到豬皮和肉之間只有薄薄的油脂層，吃得超放心!

香草牛油牛扒
七乘熟的牛扒，厚薄適中，灑上淡淡香草汁，感覺清新

風沙雞翼 (6支骨)+薯條
單骨雞翼方便進食，與粗薯條的配搭，年青人大愛

是日重點!!榴槤控大愛，把D24榴槤fusion香港地道菠蘿包，由店主親自創作的甜品，脆皮菠蘿包夾著足料軟滑的D24榴槤忌廉和D24榴槤雪糕，香濃的榴槤味道一軟一硬，一凍一熱(烘至脆皮的菠蘿包)，超乎想像的滋味，榴槤控都食到失控呀!!!

宇治金時抹茶Latte  宇治金時抹茶配上完粒紅豆，香濃綠茶還有甜甜粒粒口感

入到去地方好闊大，坐得很舒服。裝潢有點小清新感覺，店員服務殷勤，感覺好親切。 🥚黑松露玉子燒 $68 本身想叫薯仔餅，甘岩賣哂，好彩叫左個玉子燒香滑得黎味道都唔錯。 餐湯、餐包 牛肝菌湯菇味濃郁，有口感；多士香脆，表層塗上既醬味道都唔錯。 🍝黑松露忌廉野菌大啡菇意粉 $138 大啡菇除左香外，食落好多汁，整得唔錯。意粉份量多，一個人食哂應該都幾飽，黑松露唔算濃味，淡淡地岩我。 🍖蜜糖烤慢煮去骨徳國豬手 $158 被去骨，好方便進食。豬手食落有淡淡蜜糖味，肉質軟腍，食哂D皮都唔覺肥膩丫。配碟既沙律帶有芝麻醬，粗薯條食落有薯味，唔會太乾身，又酥脆。 🍴D24大菠槤 $48 細細個好鐘意食菠蘿包，但事隔今日都幾年無食過。D24榴槤果蓉微甜甘香好岩我呢個榴蓮愛好者。外層微暖香脆既菠蘿包，配埋冰凍榴蓮，層次感十足。 🍹青瓜藍柑橘 ＋$16 意外地藍柑橘唔似平時出面飲開甘甜，微甜剛剛好，除左賣相靚仔外，清清地都幾好飲。 🍓士多啤梨檸檬果茶 ＋$13 呢個真係有驚喜，除左帶有花茶清香外，士多啤梨既酸甜味令整體好夾，飯後消滯去膩外仲好好飲添。 🍨甜品 最後簡左抹茶、菠蘿味雪糕，抹茶奶味較重，菠蘿酸酸甜甜，兩款都幾好食。

平時好少去荔枝角食飯，雖然近我屋企，但始終係工廠區/office 區，通常一到晚上放工後就無咩人，附近餐廳都主打午市好早關門. 今次想黎呢間本來都驚佢會唔做晚市，所以double cfm 完先特登搭過黎試. 果然無令我失望，真係好食又抵 order 2個main course, 先上左大啡菇湯，texture 稠身飲得出好足料，菇已經磨成蓉好香濃. 附帶2塊餐包一片係butter garlic， 另一片係呢度獨家製作sauce, mixed 左basil同pili nuts, 食落好像有點草青味，幾特別. 小食我地order 左莫沙尼拉芝士黑松露黑松露雜菌焗薯$58，black truffle 好香濃，出面薯皮香脆，中間好足料地滿滿都係炒香過雜菌，其實我個人更想留多d 薯仔肉haha 1980風沙雞翼&薯條$48，薯條無咩特別，不過量夠多. 風沙雞翼已拆做單骨所以食得方便，而且好夠脆口. 不過以風沙雞翼黎講蒜香味不足，如果可以加多蒜粒再炸效果會更好 全晚highlight起喜歡呢個蜂蜜烤慢煮去骨豬手$158，平時食炸豬手多，第一次食慢煮. 無傳統做法咁重口味，反而帶點蜂蜜香甜味，豬皮部分帶點煙韌，中間肉軟腍且濕潤，一切即分開，正. 再來會想encore. 而一邊厚切蕃茄片都唔係就咁切好就算，同樣有用少量蜜糖煮過，所以食落帶點香甜，好食。如果可以灑少少香草碎eg basil，會再加加分. 一份咁高水準main couse 先$158，真係好抵 另一個main couse order 左黑松露野菌大啡菇忌廉意粉，呢個相對失色。sauce blk truffle 唔夠香濃，反而white cream sauce 主導. 味道亦偏淡左d. 而且可能芝士粉落得太多，sauce 好杰身，好似漿住咁，口感不太討好. 上面大啡菇反而幾好食，厚肉juicy， 切開大啡落一齊食，其juiny 厚肉菇會令口感好d, 不過始終菇得一舊. main couse 包埋dessert. dessert 係抹菜雪糕同lemon tart，兩者都比想像中高質。lemon 好酸好fresh, tart 皮唔脆。matcha 雪糕抹菜味幾香濃. 最後榴槤控既我仲order 左呢度signature D24大菠蓮. 故名思義，係用左D24 貓山皇榴槤同菠蘿包整成. 一入口就係滿滿榴槤甜蜜既香味，用左D24.其中香味榴槤控一定唔會陌生. 其味道口感因為呢個combination 更加豐富. 榴槤加左cream打成，所以比平時食落更加幼滑，而且texture 亦更creamy 更岩夾包. 中間夾住D24 榴槤雪糕，其榴槤香味完全被比下去，因為個榴槤cream 實在太rich. 配埋一齊食都好正 唔係第一次食菠蘿包夾其他野，繼華嫂以後好多餐廳都會利用菠蘿包整，但試過有間用唔新鮮菠蘿包，個皮腍哂勁難食. 唔脆既話仲咩要用菠蘿包？情願用番普通法包方包好過。所以原本都有d擔心佢個包唔夠新鮮. 好彩，個菠蘿包皮仲keep 到香脆👍 不過留意番個包雖然好滋味，但一個食哂成個會幾膩，同人share 最岩. 不過其實切唔開，會散哂cream 擠哂出黎. 所以最好都係一人一啖KO 整體環境幾舒服，豬手同個大菠蓮都好正，而且價錢唔貴，性價比好高

放工坐巴士回家，和寶寶談得太投入竟然過了原本的站，落車時已經去到荔枝角一頭。雖然這附近我們都很熟識，但晚上始終比較少餐廳在營業。

沿著青山路，竟然看到半島大廈地下開了一間新的餐廳，裝條以木為主都蠻舒服，便入內一試。就是這個偶然，我遇上了令我一試難忘的大菠槤。

空間都蠻大的，坐得很舒服。MENU選擇都好多，我和寶寶各自點了一個主食再配上套餐。

套餐配牛肝菌湯及多士
多士焗得好香脆，而且上面塗了餐廳自家制的草料醬，食得出有好香草蘿勒的香味。
牛肝菌湯好濃，飲得到有粒粒牛肝菌粒，好有口感。

風沙雞翼+粗薯條($48)
份量比想像中的大。
風沙雞翼新鮮即炸，炸到外層金黃香口，加上帶點牛油同蒜香孜然的調味，更為惹味。
而且即炸起，雞肉依然好軟嫩。

配搭的粗薯條份量都不少，薯條不是一般食到好脆好乾身那種，而是選用了薯仔味道比較濃一點的薯條，所以食落好香薯味。連薯仔皮一齊炸起的薯條總是特別好食。
黑松露忌廉野菌大啡菇意粉($138)
很厚身的大啡菇，切的時侯大啡菇的水份都流出來了，咬落好香菇味，而且肉軟多汁。
意粉的硬度控制得剛好，加上一些什菌和香料的調味，唔算濃味，淡淡地很清新。


和牛車打芝士漢堡粗薯條($128)
點的時侯沒有看清楚，原來BURGER都配上了大大份的粗薯條呢 .

BURGER 包表面焗得帶點脆，但咬落裡面好香好軟，而且帶有輕輕的甜味。

而裡面的配料好豐富，厚身的和牛BURGER，蕃茄，芝士和洋蔥等，啖啖豐富配料。一啖咬落裡面的醬汁就已經流出黎。

D24大菠槤($48)
還點了一個很有特色的甜品，有D24榴?雪糕﹑D24榴槤果蓉和香口菠蘿包做成的D24大菠槤，單看樣子就已經讓榴槤迷的我食指大動。

在香港特式的菠蘿包中間，夾著D24榴?雪糕和很CREAMY的榴槤果蓉，食落滿口榴槤香味，加上香脆外層的菠蘿包，食的時侯又軟又脆，口感很特別，而最意想不到的是菠蘿包和榴槤的味道，原來可以咁夾。

是日甜品選了益力多雪糕，食落好重益力多的味道，很令人滿足的甜品。

白桃藍蝴花(套餐加$16)
藍蝴花飲品賣相很夢幻，加上香甜的白桃，很清新。


荔枝乳酸(套餐加$16)不會太甜，十分開胃。

是日晚餐十分滿足，除了甜品真的一試難忘，食品的水準都很值得一讚。因為以這個價錢已經可以配上套餐，而且環境又舒服。其實地點是跟荔枝角地鐵站很近的，但這個地區晚上不太熱閙，附近的餐廳比較少，希望餐廳可以堅持下去。

公司對面嘅嗰間Cafe轉左手裝修完之後，個Menu好似都唔同左，上OpenRice睇見到佢哋新推出左個榴槤菠蘿包，我friend超鍾意食榴槤，咁就諗住搵一晚放工之後去食啦。 睇Menu見到呢度係食西餐不過都有少少fusion，但係今晚竟然冇我哋最想叫嘅榴槤菠蘿包，無辦法啦唯有試吓其他。 牛肝菌湯配多士 每個套餐都有湯同埋多士，個湯今晚係牛肝菌，好足料，打得唔算太溶，好有咬口，個味道好香，濃濃嘅牛肝菌味道，個多士用咗秘製醬汁，綠色嘅好少見，聞起上嚟仲好香添。 黑松露玉子燒＄68 一客有四件都幾大件，上面除咗有黑松露，仲有蟹子，同埋少少沙律醬，配埋一齊個味道出奇地夾，玉子又燒得夠滑，一層層好有口感。 和牛車打芝士漢堡＄128 個芝士啱啱好溶晒喺牛肉面，個賣相好完整，高黃牛做得好好，出面煎得好香脆，裏面係五成熟，而且手打和牛，仲好有質感，啲汁鎖住喺裏面，個包好鬆軟。 蜜糖慢煮德國鹹豬手＄158 平時食開嘅德國鹹豬手出面都係炸嘅，呢度幾特別，係用慢煮嘅方法，好似食緊中式嘅圓蹄咁，最重要係冇咁熱氣呀嘛。唔知係咪因為用咗慢煮嘅方法，我覺得呢度鹹豬手嘅肉特別滑，而且味道都鎖住晒係入面，一咬落去啲汁必晒出嚟，鹹鹹香香好好食。 食完正餐仲有甜品送添，個柚子雪芭食落似係自己整嘅，個甜度啱啱好，清新又消滯。 兩個人食咗＄390 ,係出面一半嘅價錢呀。