影片
更多
2019-03-31
535 瀏覽
探店前喺網上見到YouTuber話正，心諗有機會過大海一定要嚟一試‼咁啱冇耐就心思思搞咗個澳門春遊，又咁啱行開大三巴附近search有咩食，見到Google Map話行過去先10分鐘路程，梗係去馬啦🤗事實係…大三巴行過去雖然唔算遠但係有啲隔涉，急急腳都真係行足10mins🤐去到已經夜晚7點幾，見到“吓，鋪頭冇人嘅”，膽粗粗入去嗌咗幾聲阿叔先出嚟蔥花雞蛋腸 $33阿叔十分嫻熟咁鋪布倒粉漿打蛋撒蔥花，一氣呵成👍係名副其實布拉腸，見到腸粉身嫩白通透，已經覺得好食！反卷腸粉令金黃色嘅蛋皮喺出面，甚是好睇。食落腸粉真係又軟又滑，令人食完仲想食，蛋皮較薄火候剛好同樣滑溜正！美中不足係我外賣走，食時已經凍咗，熱食相信會仲正！P.S. 蛋腸比其他肉碼價高，我唔係好明 阿叔貼咗個WeChat Pay二維碼，相信平日會有唔少遊客到訪，唔想排隊可能稍夜時間去食會比較好
事實係…大三巴行過去雖然唔算遠但係有啲隔涉，急急腳都真係行足10mins🤐去到已經夜晚7點幾，見到“吓，鋪頭冇人嘅”，膽粗粗入去嗌咗幾聲阿叔先出嚟
蔥花雞蛋腸 $33
阿叔十分嫻熟咁鋪布倒粉漿打蛋撒蔥花，一氣呵成👍係名副其實布拉腸，見到腸粉身嫩白通透，已經覺得好食！反卷腸粉令金黃色嘅蛋皮喺出面，甚是好睇。食落腸粉真係又軟又滑，令人食完仲想食，蛋皮較薄火候剛好同樣滑溜正！美中不足係我外賣走，食時已經凍咗，熱食相信會仲正！
P.S. 蛋腸比其他肉碼價高，我唔係好明
阿叔貼咗個WeChat Pay二維碼，相信平日會有唔少遊客到訪，唔想排隊可能稍夜時間去食會比較好
張貼