和花亭寿司 (已結業)

南灣區屬於澳門商業區，多幢商業大廈及賭場包圍住，所以呢區中午搵食亦唔難。今日忽然想食日式午餐，所以去左和花亭。和花亭有10多款午餐選擇，其中3款係壽司~2壽$78，1款$88。由於今日唔想食卷物同魚生，所以叫左呢set $78。首先黎嘅係前菜 ~ 醋浸燒三文魚，唔錯，幾開胃；麵豉湯~本身都唔鐘意飲，所以no comment ;烏冬~食哂壽司同前菜先食，所以好淡亦都好飽，所以食淨一半。之後再上壽司，5件壽司都燒過，都新鮮幾好食，另外3件三文魚刺生附一片檸檬，都新鮮好味。再上多杯咖啡 （咖啡，奶茶，檸茶，檸水任選其一），都濃郁，唔錯。埋單$78+10%=$85.8，以呢個價錢黎講都算柢食嘅。服務方面，我食時2：30午餐時間到3點，所以啲工作人員都準備中場休息或清潔，冇乜服務可言。