Plato Cafe & Bistro (吳松街)

營業中

休息中

放工想食個西餐chill下放鬆下，於是就揀咗呢一間鄰近地鐵站嘅西餐廳 - Plato Cafe & Bistro 🩷咁啱同朋友兩個人，可以嗌精選二人套餐$498，或者至尊二人套餐$546。如果同朋友都鍾意扒/肉類嘅話，後者可能更適合。不過我哋就嗌咗✨精選二人套餐✨，包括前菜、扁意粉/意大利飯、主菜、飲品同甜品，真係十分抵食👍🏻前菜中規中矩，蕃茄湯嘅味道濃郁，酸酸甜甜，仲食到少少蕃茄肉👍🏻。天婦羅魷魚香脆，但食落唔膩，值得一試。龍蝦汁波士頓龍蝦意大利飯龍蝦味濃，食落鮮甜彈牙。Risotto吸收咗龍蝦汁，又煮到粒粒分明，十分推薦👍🏻澳洲肉眼牛扒牛扒厚身又juicy，外皮焦香，肉質軟淋好容易入口。搭配埋醬汁揀直一流是日甜品：紐約芝士蛋糕芝士味濃厚，但甜道適中，食落唔會覺得膩。擺盤都好靚🩷另外二人餐仲包飲料，性價比十分高✨凍美式咖啡熱檸檬柚子茶

想食德國炸豬手又唔想去啲酒吧餐廳入面？成日經過佐敦吳松街都會見到呢間西餐廳入面坐咗唔少人，當中不乏唔同年齡嘅外籍人士，想靜靜地感受意式風情可以嚟到呢間Plato cafe and bistro今次我哋一行兩人本來想試吓好吸引嘅二人套餐，但係睇到套餐分量十足怕浪費食物，最後我哋決定叫一個德國脆皮鹹豬手同西班牙海鮮飯就夠喇，雖然得兩個菜式，但係份量一啲都唔輸蝕。德國鹹豬手上菜嘅時候店員已經為我哋切好，等享用嘅時候唔使太論盡，雖然切好咗，擺盤、溫度都依然保持到。通常好脆皮嘅鹹豬手會有一個通病，就係肉質會太乾，但呢度嘅鹹豬手就冇問題喇，咬落去表皮索索聲，配合埋酸菜一齊食中和返油膩感，而且炸到咁脆嘅豬皮下面竟然仲食到煙韌嘅膠質，值得一試。好味指數:🌕🌕🌕🌗🌑第二個菜式係西班牙海鮮飯，見到顏色方面已經同坊間嘅西班牙海鮮飯有所不同，聞落嘅味道充滿蝦油嘅味道，飯身濃稠得嚟唔會好淋，加入咗蕃茄、青椒同蘑菇亦令到海鮮飯清新不少，海鮮飯上嘅蝦肉無論大小同質地都有返咁上下好味指數：🌕🌕🌕🌕🌑食完呢兩碟菜式我哋都未夠喉，仲加咗兩杯特色飲品試吓，我哋分別嗌咗一杯芒果沙冰同埋雜莓奶昔，兩杯都充滿果味而甜味唔會好突出

打完羽毛球🏸速食Plato，坐梳化🛋️位，都舒服😌，餐湯蕃茄🍅忌廉湯🥣，個人❌，主菜share, D6西班牙🇪🇸海鮮飯🥘（$168）,似risottos，有蝦、魷魚🦑、帶子同青口，都好食😋，D5軟殼蟹 🦀 黑松露忌廉意大利🇮🇹飯（$158），好重黑松露味，好食😋，D9BBQ汁燒豬肋骨🩻($208)，BBQ汁酸，個人❌, D10德國🇩🇪脆皮咸豬手（$238），脆，大件，正😄，D11羊架7成熟（$238），冧，正👍🏻餐飲跟$32或下飲品🍸，我揀咗凍果茶少冰，有菠蘿🍍喺入面

🩵Plato🩵朋友生日又想食西餐，揀咗之前食過覺得性價比唔錯嘅西餐廳同佢一齊食😆餐廳嘅環境寬闊，有唔少嘅座位，而且坐得唔迫(⁎⁍̴̛ᴗ⁍̴̛⁎)軟殼蟹黑松露忌廉意大利飯🍚黑松露勁足料，成個飯都係滿滿嘅黑松露同埋菇菌類🍄‍🟫🍄‍🟫!!意大利飯煮得啱啱好，唔會太硬又唔會過林～佢隻軟殼蟹超大隻，仲要入邊係滿滿嘅蟹膏🦀🦀🦀🦀🦀澳洲肉眼牛扒🥩我哋叫咗五成熟，牛扒切開有好多肉汁，不過我覺得佢係熟咗少少，但味道都係好嘅☺️佢旁邊仲有沙律菜，沙律菜好新鮮，用嘅沙律汁都唔會過酸，非常開胃！除咗沙律菜之外，仲有焗薯，焗薯上面仲有沙律醬😚😚我哋嘅晚餐set仲有餐湯，今次食嘅係蕃茄湯，佢感覺係比較濃稠，好飲！

佐敦站 D 出口Plato Cafe簡約木系裝飾，環境舒服座位寬敞，餐廳有精選二人晚餐$498 或$548包餐湯/沙律/主菜/甜品/飲品也有Set Dinner 最後揀咗$498/2人餐冰果茶🍹唔會太甜有雜果粒又夠冰凍，是日餐湯羅宋湯足料蕃茄味濃，酸酸甜甜好開胃,🥗煙三文魚凱撒沙律勁大碟香滑煙三文魚，爽口羅馬菜，芝士碎味濃，脆口煙肉粒和面包粒，🦞龍蝦汁波士頓龍蝦意大利飯龍蝦經過煎香，特別香肉質彈牙，意大利飯煮得煙煙韌韌,有香濃蝦湯芝士味，還有紅/青椒,好好味😋🥩炭燒澳洲肉眼牛扒牛排 3成熟外層煎得焦香，肉汁香濃，焗薯香滑和野菜都好大份量，飯後甜品瑞士出品朱古力雪糕或日式芝士蛋糕芝士香滑香濃甜品是一餐完美句號😍

今日黎到佐敦食一間西餐廳, 餐廳既環境幾好, 坐得好舒服, 侍應既服務都好好, 唔會一次上曬D菜, 會等你食完先再下一樣, 呢點幾好呢到主要都係食西式既食物, 我地叫左個2人餐, 都好抵食, 有前菜, 2個主菜, 仲包2個甜品同埋2杯飲品首先前菜我地叫左酸忌廉煙肉薯條, 薯條炸得金黃酥脆, 面頭有一粒粒既煙肉碎增加左個口感, 搭配埋酸忌廉醬, 令到個口感好豐富, 薯條脆卜卜, 加埋煙肉鹹香同埋酸忌廉, 好特別既小吃選擇主菜叫左龍蝦意大利飯, 黎到真係好震撼, 有半邊龍蝦, 仲要好大隻, 食落好彈牙鮮甜, 而且個蝦鉗都幫我地卜開左, 好容易就食到, 意大利飯用左蝦蝦汁去煮, 所以食落個陣都好濃既龍蝦味另一個主菜就叫左肉眼牛扒, 牛扒煎得岩岩好, 外層煎得焦香, 入面仲鮮嫩多汁, 我地叫左7成熟, 煎得都岩岩好, 食落都有牛味同埋肉既口感都好好, 配菜有焗薯同埋沙律菜, 份量黎講都好足夠, 絕對夠食甜品方面佢有得揀雪糕或者芝士餅, 不過我地都食得太飽啦, 淨係叫左雪糕食, 估唔到係movenpick總括黎講, 呢間餐廳既食物同埋服務質素都好好,  絕對推薦下次再黎幫襯

佐敦星期六爆場意大利餐廳，假日都比較多人，但book左位都唔洗等，如果walkin 就可能要等一陣普通一個set 百幾蚊都好抵，有兩個2人餐，食物款式都唔錯精選二人套餐 - $498酸忌廉煙肉薯條薯條炸至金黃酥脆，搭配上酸忌廉同煙肉，味道鹹香同酸甜交融。薯條的脆口加上酸忌廉的滑順質感，令味道更加豐富波士頓龍蝦汁意大利飯汁料以波士頓龍蝦為基底，配以鮮甜嘅蕃茄、香草同其他香料，味道濃郁而鮮美。意大利飯煮得剛剛好，每粒飯粒都吸收咗汁料嘅滋味，有濃郁嘅龍蝦味同蕃茄嘅酸甜澳洲肉眼扒肉眼扒烤至外表金黃，內部嘅肉質保持嫩滑多汁。每一口都能夠品嚐到牛肉嘅鮮美味道，帶有微微嘅牛油香氣配菜 – 焗薯外層形成一層金黃酥脆的外皮，內裡則保持著軟嫩的口感。薯仔的甜味在烤的過程中更加凸顯出來，。忌廉的香濃口感與薯仔的口感相互融合，有奶香味道- 凍焦糖鮮奶咖啡有一種濃郁嘅咖啡香氣，口感滑順同涼爽，綿密的奶沫覆蓋在濃郁的咖啡上，焦糖的甜味與鮮奶的濃郁相結合，形成豐厚的口感- 熱特濃朱古力朱古力濃稠而香濃，帶有濃厚嘅可可味道，口感十分滑順，奶的比例剛好，亦唔會太甜- 芝士蛋糕呈現綿密柔滑的質地和光滑的表面，口感非常柔軟

今日下午黎到佐敦食晏，係OpenRice 見到呢間食評唔錯，又近地鐵站 ，所以就去左試下。呢間西餐廳係佐敦地鐵站都係都只係幾分鐘，地方非常方便，當日我地12:00就去到餐飯，當時未係好多人，不過一路坐，啲人就一路入黎，見好多上班族都係到食晏，睇黎呢間餐廳真係好受附近的上班族歡迎。雖然係OpenRice 到訂位散點會有75折 但係見佢的set lunch 都好似唔錯甘，所以今次我地叫左佢的午餐試下，分別試左凱撒沙律 同 佢的漢堡飽，味道好好，份量又好足，因為之後要去食甜品，所以冇叫到佢其他食物黎試，不過下次如果黎開佐敦的，都好值得再過黎。

一直都喺佐敦見到呢間餐廳好多年😆但係都冇機會試嗰日我哋7:30先去到已經接近full house，我哋叫咗一個$498二人餐，包咗前菜、兩個主菜、飲品同埋甜品😝以咁多個courses嘅西餐嚟講算係幾抵食當日嘅餐湯係南瓜湯，口感濃稠，明顯食到南瓜嘅纖維感同顆粒感，味道甜甜地都唔錯前菜我哋揀咗三文魚凱撒沙律，沙律撈得幾平均，味道適中🤤三文魚嘅質素就正正常常啦～主菜我哋分別叫咗龍蝦意大利飯同埋牛扒，兩款肉質都唔差，而且份量充足幾有誠意😆值得一讚係意大利飯嘅龍蝦湯味幾突出，不過飯粒口感略嫌偏腍，如果更加粒粒分明會比較好甜品可以揀芝士蛋糕或者雪糕，呢個價位估唔到都仲會有movenpick🙈整體算係幾抵食

奔波了一整日超肚餓，餓得有點hangry結果這家是出乎意料地高質，超開心🥹可以回訪! 🍴加一服務費：✔ ✿ 晚市套餐• 是日餐湯：南瓜湯南瓜控表示幸運😆南瓜沒有完全打蓉，增加口感質地較稀薄，沒有忌廉，不肥膩 • 西班牙黑毛豬鞍 $248超推薦٩(♡ε♡ )۶ 是我吃過的豬鞍排行榜的top3十分厚的豬鞍，分量滿足更厲害的是，裡面生熟度仍可以完全一致，橫切面全是微微粉嫩，剛剛好肉質juicy有咬口，很易切；切時肉汁直接流出😳調味適中，不太鹹，很有黑椒香不過配上的蘋果蓉感覺加了檸檬汁，偏酸，與豬鞍的本身調味沒有很搭；分開吃就可以另一加分為是配焗薯😍比薯條來得健康，個人更喜歡雖然焗薯上配上的檸檬蛋黃醬(?) 太多有點膩，撥開些就可以，不影響 • 餐飲：檸檬水 這天有很多一家大小來吃，頗為熱鬧；多人的話先訂座較好

早前試過同朋友食過呢間西餐廳嘅lunch都覺得唔錯，今晚約埋朋友黎佐敦食晚飯就馬上諗起Plato🍽️精選二人餐 $298餐湯～蕃茄忌廉湯忌廉湯口感Creamy順滑，加左蕃茄酸酸地，更加開胃煙三文魚凱撒沙律沙律份量頗多，非常有誠實，生菜預先拌好沙律醬，加上脆口麵包粒、煙肉碎、小蕃茄同另一位主角煙三文魚，三文魚厚身帶少少咸鮮，令整碟沙律味道增添層次龍蝦汁波士頓龍蝦意大利飯龍蝦有半隻，size都好大隻又有膏，肉質飽滿鮮甜🦞Risotto 味道同樣出色，索盡龍蝦汁精華，飯中更有彩椒絲同小蘆筍，食起上黎唔會太膩炭燒澳洲肉眼牛扒🐮牛扒煎得火喉岩岩好，切出粉嫩嘅顏色，肉眼部分纖維比較厚，口感豐富，脂肪分布平均，肉汁同油味道平衡，值得一讚加上配菜有焗薯同沙律菜，非常豐富，食到要捧住個肚🤣甜品～芝士蛋糕跟餐配送芝士蛋糕非常得體，芝士味香濃，入口綿密，甜度適中餐飲～熱柚子蜜． 美式咖啡二人餐包埋$32以下的餐飲，咖啡香濃，柚子蜜唔會太甜👍🏻

難得約朋友出嚟聚吓舊，決定揀間好啲嘅餐廳，見網上評語都唔錯就揀咗呢間，係一間性價比好高嘅西餐廳！我哋揀咗個二人餐（$546），有西班牙風乾火腿伴哈密瓜沙律、炭燒澳洲肉眼牛扒同埋西班牙黑毛豬鞍。今日嘅餐湯係南瓜湯，飲落好滑好香濃，而且冇南瓜絲，我自己幾鍾意。而前菜嘅風乾火腿伴蜜瓜沙律，鹹鹹地嘅火腿配埋清甜嘅哈密瓜，非常開胃，哈密瓜食得出係好新鮮嘅，好爽口好甜，同火腿好夾。我哋嗌咗七成熟嘅牛扒，淨係見到賣相已經覺得好吸引，牛扒嘅熟度啱啱好，仍然可以見到中間嘅肉係鮮紅色嘅，咬落好軟熟，肉汁都鎖晒喺牛扒入面，啖啖都爆汁！而黑毛豬鞍同樣出色，有成差唔多兩寸厚，超級抵食！肉汁都係鎖住晒喺豬扒入面，淨係切塊豬扒啲汁都爆晒出嚟，口感軟熟爆汁，十分回味！兩碟扒都配有一個焗薯同埋沙律菜，一定唔驚食唔飽！另外我哋都嗌咗杯特濃朱古力同埋焦糖朱古力，兩杯朱古力味都好濃，飲完淡淡朱古力味仍然停留喺口入面。最後甜品可以揀芝士餅同埋Movenpick朱古力雪糕。呢個價可以食到呢個質素嘅西餐，絕對係好抵食，性價比之選！

朋友在佐敦上班 就在附近覓食剛好看到這家地點合適 而且能訂座LunchSet超抵食有湯/沙律+主菜x1+1杯$32飲品選了日式燒汁雞肉炒意大利粉$72炒得蠻不錯 不會太乾身亦不會太濕味道不會過鹹另外單點了波士頓龍蝦龍蝦汁意大利飯嘩 賣相超吸引 龍蝦蠻多肉 龍蝦汁很惹味玫瑰拿鐵玫瑰清香 不會太苦 甜味適中 食物飲品種類蠻多選擇午飯時段比較多人 會滿座所以建議訂座 餐廳沒有時限跟朋友傾天吃飯 是很好的選擇店員有禮貌不會有趕做生意的感覺

今日係佐敦食西餐，餐牌選擇好多，但我地都懶得諗，直接叫精選2人餐! 睇黎都幾抵食。首先會有餐湯，係南瓜湯，飲落仲有D南瓜粒，係有口感既湯。調味我自己幾鐘意，唔會偏咸，感覺origin d 。前菜3簡1, 我地簡左天婦羅魷魚鬚，呢個好推介。上台時係熱辣辣，炸物好香口，炸粉唔會分離，仲可以點埋佢他他醬，更加惹味。而且比我想像中大兜，份量十足。主食簡左帶子黑松露意粉，一上台已經聞到好香，黑松露味極濃，意粉好掛汁。M8澳洲肉眼牛扒超大塊，叫左5成熟，真係做到5成熟。牛扒易切，肉質juicy。仲有個好加分既焗薯，煙肉係脆卜卜! 呢個餐仲包2杯餐飲，同埋甜品，仲有movenpick雪糕，真係好抵食! 而且staff 既態度都好好，加分!

屋企人生日，打算搵間餐廳一家人食西餐，見到呢間評價唔錯，位置都方便，就Book左間試試。入到餐廳先知原來周圍都掛滿Eden相，連播放既餐廳音樂都係佢既歌。前菜- 蒜片白酒煮蜆蜆好大隻，少少酒香，比想像中有驚喜。前菜- 西班牙風乾火腿伴哈密瓜沙律火腿嘅鹹香與哈密瓜的清甜相融，係前菜不錯的選擇。炭燒澳洲肉眼牛扒🥩肉質鮮嫩多汁，有濃郁嘅牛肉香味。德國脆皮鹹豬手本身味道唔錯，外皮脆脆的，份量都大，但可惜部份位置比較硬，很難咬開，有點失望。龍蝦汁波士頓龍蝦意大利飯龍蝦彈牙，海鮮配料有魷魚、青口，口感豐富。飲品加錢升級了飲品-草莓奶昔 及 Oreo奶昔，奶昔非常好味😋是日甜品係Movenpick雪糕或芝士蛋糕。今次預先通知了餐廳，可在甜品碟上寫上生日快樂，當一個小小的慶祝。😊