影片
以上資料只供參考, 請與餐廳確認詳情
食評 (6)
張相係咁好吸引！@@@事實係咁……三塊雲耳一開二嘅龍蝦丸一粒蝦兩隻煮到爛嘅瀨粉半碗唔知咩味（個人感想）嘅湯一大碗凍奶茶OK嘅。真係飲左淡湯已經知道唔掂。所以今次真係好冇衣食咁食凈嘢。唔會幫襯第二次。
繼續閱讀
今次又係住氹仔呢邊，雖然成條街d食肆多到任你揀，但係我地都決定番兜。上次食左蕃茄牛肉湯飯真係念念不忘，今次試下蕃茄雞絲麵。同香港既勝香園或者星座冰室既唔同，唔係茄容杰湯加蕃茄肉純情版，呢度湯底比較香濃惹味，有d似羅宋湯，但又充滿鮮茄既味道，好想飲唒佢，可能無味精呱，飲完又唔覺口渴喎。雖然雞肉得幾舊，但係有大量既冬菰絲、金針同雲耳補數，總算真材實料。另外一提，呢度用既麵有d似上海麵，但係比較彈牙同帶黃，類似九州拉麵質地，十分美味。由於我地要試多幾間其他鋪頭，所以只order一碗麵+一碟油菜+凍奶茶。加10蚊就有油菜，話雖油菜，呢碟芥蘭真係健康過媽媽家庭煮，似乎一滴油都無，但食落爽脆，加埋豉油都不太咸，非常好！奶茶亦不過不失，好似凍飲加8蚊
繼續閱讀
二人只吃過少少野，當然未夠喉，諗住行下官也街／地堡街一帶，睇下有乜想食，行經這間中華麵館，門面吸引，標明無味精，也貼有周中師傅在報紙的寫文推介，放心入去。店裡人不多，可能因為已過食晏繁忙時間，而且官也街特色食品多，牛肉麵不是主流，可以理解。因為已有半飽，只想填飽另一半胃，所以二人只叫一碗中華牛肉麵 (MOP$42)，難得沒最低消費，真好。中華牛肉麵同張相真係差幾遠，湯多料少，幸好我地唔肚餓。麵底煙韌，牛肉牛筋兩者皆有，牛肉炆得腍不黐牙，牛筋也夠腍易咬，兩者都合格有餘，但靈魂湯底卻令人失望，多油之餘，更令我覺得似即食麵湯底，雖然沒味精也夠味，但實在鮮味層次欠奉，整體是驚喜欠奉，甚至是有點失望。吃過這碗麵之後，下一站就是找一間木糠蛋糕，以解甜胃。
繼續閱讀
黎Macau旅行當然要食野啦~ 行完官也街再去到地堡街都唔知食咩好... 因為花多眼亂~ 樣樣都想食... 行過哩間中華麵館~ 有個上左年紀既阿姐好積極同好落力咁請人入去試下... 不過佢度門就真係有D難開~ 同埋係要小心夾手... 我地未被佢招攬就已經行左入去~ 原因係好似幾好坐同埋唔係太多人... 當時時間都仲係比較早 最大原因係佢標榜無味精 中華牛肉麵 (MOP36)男朋友叫左哩個~ 要左雞蛋麵底... 牛肉味好香~ 湯底既牛肉味都好重... 由於無味精~ 可以飲多少少湯底黎食清楚味道的確係明智之選~ 麵質都唔錯... 果然無行錯入黎呀~ 紅燒牛肉拌麵 (MOP40)我就叫左拌麵~ 加左4蚊要個蕃茄麵底... 因為想有咁健康得咁健康~ 原以為黎到個麵會係紅色... 好彩都係正常麵既顏色~ 而且麵身都比較軟~ 蕃茄味好濃好香... 咬起來唔會一團~ 牛肉味道好香... 炆得好入味~ 好腍唔韌... 非常好食~ 雖然室內環境都比較簡單~ 無咩裝修可言... 但係食野最重要係味道~ 裝修對我黎講只係其次... 加上阿姐見到有人駐足門外就熱情招待~ 感覺哩間食肆真係好用心去造食物... 一於好評~
繼續閱讀
It's delicious. The soup is made of tomato, pork bone, it's very healthy. And the beef is tasty and soft. The noodles is just soft enough for u to eat
繼續閱讀
您可能會有興趣的...