影片
電話號碼
+853 28590202
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
昨天打左邊爐, 今日午餐食番淡口少少, 同事就提議食豆腐. 午餐時間都要等一陣間先有位坐. 雖然舖頭名叫豆腐美食, 但係午飯時間唔見有人叫豆腐食.豆腐麵, 麵如其名, 淨係得豆腐同麵, 冇多冇少...... 豆腐都有四大舊, 豆腐好滑, 好味. 麵係普通生麵, 味道一般, 冇乜彈性. 湯底係味精湯, 冇特別.四舊豆腐邊夠我地食, 同場再叫多個炸豆腐. 即炸熱辣辣. 炸漿薄脆, 豆腐都係咁滑, 味道唔會太咸. 係度都係豆腐最好食.
繼續閱讀
不嬲都好鐘意食豆腐既我，冇意中係澳門做野時發現到呢間豆腐面食！其實佢有好多間分店，不過呢間近屋企我例牌一定係食豆腐排骨面！係睇食撈面定湯面姐～其實各有各好味！呢到既撈面都相當不錯！不過今次叫湯面，冇咁dry呢間野有豆腐最出名！當然滑lulu啦！豆味又香！排骨一定會分上！即炸，好香口同熱辣辣的！至於豆漿，豆味香濃！（不過有時有燶味，但今次冇就超好飲）豆腐花先係極品！滑過哂香港既豆腐花！！！平靚正！快餐精選！點解香港冇咁既食店架....
繼續閱讀
澳門工作, 很多時都會跟朋友聚聚, 吃吃宵夜。可是有時也會有機會一個人。這天, 我一個人放工, 晚飯時間, 只想吃個簡便的, 等之後約了人吃的宵夜!! 還記得澳門的朋友們告訴我這裡有一定吃豆腐麵的, 結果來了一個好吃好走。新榮記, 是專門做豆腐美食的, 在澳門已有三家分店而這次, 我就在連勝馬路在高士德和聖心中間的路程的那家八點鐘入到去, 已經沒有太多人客, 店員們都在吃晚飯, 而我這個閒人一步就走進去, 打亂了平衡的氣氛。我一向都不算是一個吃素的狂熱, 但有時間中吃一下也不為過。於是我點了一個這裡招牌的豆腐, 加上冬菇麵, 可是不知是我猶豫的聲線, 或是落單的店員的思緒亂了一下, 所以我的豆腐冬菇麵中多了豬皮這東西, 對於這事, 我欣然接受。豆腐幼白嫩滑, 少許豆香, 一入口, 不用牙就能分開它, 而且一下就能滑入喉中。冬菇算是厚肉, 有充滿香菇類型的吸引鮮味, 表面亦與豆腐一樣的滑溜可口。不過冬菇的根部較大, 口感會有所影響, 而且件頭不算特別的好, 相比香港蘭香園的大隻香菇, 始終還有點遜色。豬皮爽口彈牙, 輕微的卷起, 而且豬皮感覺發得比較鬆散, 不會有渣, 算是可以。幼麵, 銀絲般細, 可口而滑, 不過煮麵時間長了一點, 令麵質不夠Q口彈性。另外, 特別一提的是這個麵的湯, 是一個來得清淡而孜沒有鹼水味的湯, 當中有少許香菇的感覺, 而且亦充滿鮮味加入少許辣椒油, 味道有點意想不到的好, 清中帶鮮, 而且也有甜, 混合上點點辣味惹味, 不錯。最後, 另外點了一個小食的炸魚片。雖然這裡的炸魚片不及生利的通透脆香, 但是也算是有脆中帶彈的感覺。然而, 魚片整體較淋, 而且切成小塊, 再加上有點豉油過鹹的感覺, 但作為小食也算可以。雖然這不是什麼老店, 也不是什麼高水平的地道, 但我們有時到澳門要吃的是那些根本不會在香港吃到的配搭, 才算是夠味道的。香港, 有豆腐; 亦有蛋麵, 但就是沒有豆腐麵, 就連香港的車仔麵用的都是炸過的豆腐。我認為這樣才是澳門食品的核心價值。可是, 這樣一吃也要付上HK$70, 感覺有點貴, 澳門真的都在變呀~~!
繼續閱讀
您可能會有興趣的...