影片
以上資料只供參考, 請與餐廳確認詳情
作為甜魔的一分子，無論身處何地，均對心太軟念念不忘。在澳門吃了好幾餐，就是因為沒有甜品吃，總未能滿足。但原來在澳門找西式甜品，除了幾間酒店外，也挺難搵的。最後，幾經辛苦，還是搵到餐廳吃件蛋糕喝杯咖啡，才算完滿。甜品的款式其實並不多，只有朱古力火山、檸檬芝士餅、Orange Cake以及朱古力蛋糕四款。每人選一件，大家分吃。我是想也不用想，就要朱古力火山。朱古力火山，即大家熟悉的心太軟。在沒有刻意的要求下，送上來原來是沒有跟雪糕的，要有少許忌廉、桃和士多啤梨作點綴。急不及待地切開，流心效果未如理想，朱古力漿緩緩的流出，實有點失望。吃起來，Bownie是微脆，可以的，只是朱古力漿不及濃郁，加分位就是有點生果在陣，不過整體而言，水準一般。另一款是檸檬芝士餅，蛋糕邊位有少許燶燶的，第一時間想Oli一次會喜歡。蛋糕質感很軟滑，檸檬味很出眾，可是芝士味道唔夠濃郁，兩者平衡不算很好，但都屬可以收貨的水平。還有Orange Cake，面頭有一片橙乾在上，令蛋糕更加美觀。其實，這件蛋糕大部份成份都是由海綿蛋糕組成，可惜吃來並不鬆軟，亦只是面頭的部份有橙香，感覺是偏淡口，不是我的喜好。飲品方面，我的是Latte。這兒的鮮奶咖啡是有拉花的，帶來視覺享受。喝一口，很香醇的，滿有奶香，絕對飲得舒服。店方更伴以一小件的朱古力曲奇，是很細緻的服務，印象分也大增。總的說，甜品水準及不上香港，但係咖啡出色，在選擇有限的情況下，呢間餐廳是我有機會再來的。更多相片可見：http://fabricelau.blogspot.com/2010/08/cafe-marcello.html
繼續閱讀
看旅遊書介紹，說是澳洲過江龍，當然要試~大概六點半去到，沒什麼客人。之後還要食晚飯，所以點了咖啡和甜品。叫了杯hazelnut latte$42 和cafe latte$38 - hazelnut latte 榛子味幾香但有點過甜，兩杯都有一塊小朱古力曲奇附送，正！chocolate fondant $58 - 有點像心太軟，朱古力蛋糕裏面有朱古力漿。蛋糕本身比較厚，味道也偏淡，但是配上濃濃的朱古力漿就剛剛好~店內環境幾好，店員服務也很專業~
繼續閱讀
我地黎到macau補祝及預祝3個情人節見本旅遊書介紹過個Dessert, 我呢個甜品怪當然唔執輸啦原來呢間唔只甜品好食...雖然價錢貴左少少, 但係真係有5星級服務提供食物都真係好味...1個甜品2份食最o岩..但係都有少少甜得制~hee..而佢地都好好，見到我地食完甜品都會比2杯水我地我地今次食左crab meat with tomato sources risotto(甜品) xxx火山(唔記得名..ha..不過同心太軟一樣的)飲品: blueberry milk smoothies mocha milk shake
繼續閱讀
我跟朋友原本係諗住是旦食一餐晚餐就坐船返香港, 但完全諗唔到夜晚去邊到食晚餐好, 咁就睇下本旅遊書, 見佢介紹呢一間係比較近碼頭的CAFE店, 所以我地一行四人乘的士去, 都只係MOP16, 仲抵過搭巴士每人都要MOP3.2 黎到餐廳門口, 見到入面係沒人, 我地都猶豫左一陣, 不過見黎到就入去喇! 我地入到去, 餐廳入面就有一個靚仔黎招呼我地, 比我地每人一份餐牌, 不過一見到d價錢有d 眼都突, 因為真係太貴了, 如果要湯+前菜+主菜+甜品, 一個人應該差唔多要$300! 但我們行左成日, 好想要一杯水, 但正式既西餐廳所有飲品都係要收費, 我地又太口渴, 所以都叫左一支礦泉水, 但要成MOP35一支, 下次去西餐廳記住自備水! 我地唔算太肚餓, 而且估計西餐廳份量應該唔多, 所以我地叫左4款食物 煙三文魚凱撒沙律 -- 第一道黎既菜, 估唔到係勁大碟, 根本完全唔似係前菜既份量! 我地眼都突了! 講番味道方面, 係用左好特別沙律醬, 味道比想像中好, 而且有成四塊大大既煙三文魚, 即刻覺得抵左, 仲有好多唔知咩名堂既疏菜都好食! 薄牛肉卷 -- 叫之前係沒想像過出黎係似咁, 每一件有成個拳頭咁大, 塊皮至少有成2CM 厚 (咁都叫薄? ), 入面包住疏菜(不知名,味道有D苦味)同埋煎到半生熟既牛肉再配上有D似係甜既燒汁, 食落去又幾好味又開胃, 感覺都幾特別! GOOD! 煙肉磨菇意大利粉 -- 用左茄汁黎整有D酸酸地但又不會有太酸既感覺, 做得恰到好處! 而且都有好多磨菇同煙肉, 足曬料又大碟, 咁都只係MOP75我又覺得抵番, 係香港都無試過食得好過呢個既意大利粉, 讚~ 南瓜焗飯 -- 味道唔會太甜剛剛好 , 但因為之前已經食左個幾樣再食呢個真係覺得好漏, 真係飽到食唔落喇.. 好可惜因為太飽既關係無試本書介紹既心太軟 埋單MOP395, 每人都係100蚊到都覺得值得! 值得一讚係呢到D服務好好, 我地叫左一支水, 佢比我地每人一個冰杯仲要幫我地倒埋, 而個個薄牛肉卷, 佢見我地4個人食好有禮貌咁同我地講聲會幫我地切四份, 仲有食完都會問下我地對於食物同服務既意見, 真係意料不到既服務, 下次黎澳門一定會再黎幫襯!
繼續閱讀