珍寶王國 (已結業)

大年初一行完大運順路駕車到香港仔飲個靚茶，今日我哋扮遊客，去海鮮舫食點心。原本上2樓珍寶王國，但太多人了，排隊都至少要半小時以上，剛啱頭先路過1樓都有得飲茶，但冇人排隊，心知一定唔平得幾多，但人一世物一世，就試下啦！一入到去，見有室外有蓋有枱坐，仲望住遊艇會，即request要坐出面，果然冇選擇錯，當日天氣好好，有陽光得嚟有陣陣涼風，空氣好，環境靜，超級舒服，侍應服務都好細心，餐具都好靚，好嘆！不過點心款式唔多，揀左幾款點心普洱茶 ﹣ 平時好少講茶芥，但今次想講講，環境味道服務都唔差，入門口前已知價錢已經唔係平，其實可以加多個TEA LIST比人揀下啲靚茶葉飲下嘛，有壺靚茶飲下肯定會再加分囉！下次一定會醒D帶私家茶葉嚟。炸雲吞 ﹣ 普通炸雲吞，但似係剛啱炸好，不過每件既饀份量都唔同，一件裡面有蝦粒豬肉，但一件可以得齋脆皮冇饀，咁算咩炸雲吞呢？就算個甜酸汁好味都咁話啦～no good！芝士鮮菌腸粉 ﹣ 好味！芝士白汁芝味好濃，配鮮菌蒸腸粉，中西合壁，好夾，display簡單又靚，呢幾款點心裡面呢款點心係最快食晒。四式點心 ﹣ 人少少，四式點心最適合，每款一件，可以留位食其他嘢，又唔浪費。