影片
更多
2023-05-19
3786 瀏覽
好耐無寫食評，今日真係心心不忿咁對依間酒店嘅自助餐作出反應，話說今日生日，諗住試下新野去依度食自助餐，上網睇左好多人介紹話好多野食，同食物質素都吾錯，點知，全部都係假象。Book位時見到宣傳話做緊BBQ燒烤，有鴨肝多士，有蒸鮑魚，有西班牙乳豬，蟹粥等等，去到原來全部都無，門口海報都有寫明有以上食品，真係想問下經理到底發生過什麼事，現場係無上述食品供應。現場只見啲全部都係普通野，凍海鮮只有好瘦嘅蟹腳，好細隻嘅蜆，無味嘅青口，無咩肉嘅麵包蟹；凍肉就只得兩款選擇，同切到好薄嘅哈蜜瓜；刺生區應該全場最好嘅食物，有油甘魚，甜蝦，帶子，池魚，北寄貝，同少量壽司，無選擇下，我只好攞左兩轉刺身；最多人排隊嘅就係龍蝦，我無食，所有無得俾評價，之後有啲熱盤，包括奇怪嘅桃膠煮菜，薑蔥焗蠔，蒸魚，柚皮鴨掌；另外有啲串燒，都係得啲燒雞翼，雞軟骨同豬腩肉，另外有兩款咖喱同啲好核突嘅簿餅；仲有燒牛扒同燒羊肉，我食左燒牛扒，好韌同無味，我吾食羊肉，所以吾知好吾好味；燒味部就只得叉燒同豉油雞，見到賣相就吾想食，之後就係麵檔，無試；最後就係燉湯同所謂片皮鴨。。。燉湯都可以，夠清甜，片皮鴨好鞋口，吾好食；甜品就有好多款，試
Book位時見到宣傳話做緊BBQ燒烤，有鴨肝多士，有蒸鮑魚，有西班牙乳豬，蟹粥等等，去到原來全部都無，門口海報都有寫明有以上食品，真係想問下經理到底發生過什麼事，現場係無上述食品供應。
現場只見啲全部都係普通野，凍海鮮只有好瘦嘅蟹腳，好細隻嘅蜆，無味嘅青口，無咩肉嘅麵包蟹；凍肉就只得兩款選擇，同切到好薄嘅哈蜜瓜；刺生區應該全場最好嘅食物，有油甘魚，甜蝦，帶子，池魚，北寄貝，同少量壽司，無選擇下，我只好攞左兩轉刺身；最多人排隊嘅就係龍蝦，我無食，所有無得俾評價，之後有啲熱盤，包括奇怪嘅桃膠煮菜，薑蔥焗蠔，蒸魚，柚皮鴨掌；另外有啲串燒，都係得啲燒雞翼，雞軟骨同豬腩肉，另外有兩款咖喱同啲好核突嘅簿餅；仲有燒牛扒同燒羊肉，我食左燒牛扒，好韌同無味，我吾食羊肉，所以吾知好吾好味；燒味部就只得叉燒同豉油雞，見到賣相就吾想食，之後就係麵檔，無試；最後就係燉湯同所謂片皮鴨。。。燉湯都可以，夠清甜，片皮鴨好鞋口，吾好食；甜品就有好多款，試過一兩款，吾好食。
吾知係咪佢哋都覺得貨不對辦，所以每枱免費送一板好細嘅海膽，佢話係北海道馬糞海膽，我食左少少，覺得有啲苦味，吾好食，無再食落去。
總括嚟講，完全貨不對辦，完全違反商品說明條例。不知所謂，以後都吾會再去。
題外話/補充資料：
佢哋服務尚算可以，但有啲服務生吾知係咪好趕時間，未食完就企係你身邊等收碟，搞到好吾自在。
(以上食評乃用戶個人意見 , 並不代表OpenRice之觀點。)
張貼