風信子甜品 (已結業)

昨天去了風信子食午餐，其實是朋友開的，講了去試一下。三個人去叫了三個set lunch，同埋叫了兩個甜品。環境：地方四正整潔，我覺得最正是店前半部樓底非常高，上開一個大玻璃，感覺開揚舒服。地點：尚算易揾，門前有得泊車，但就要睇你有冇運啦。午餐：一般水準，賣相可以，學生有八折，但我都覺得對學生哥來講，三十幾蚊餐飯都幾貴。甜品：當然要講啦，今次試咗兩個招牌甜品：◎香蕉西米布甸：西米口感非常好，味道幾好。◎心太軟加雪糕：我個人喜歡吃朱古力的，所以非常欣賞這個暖暖心太軟，內裡朱古力醬流晒出來非常正，同時欣賞它不太甜。但當日去幫襯時，正值新學年開始，比較多學生幫襯，就睇到明顯出現混亂，出品相對慢，當時店內只有十幾廿人左右，此方面他們真要改善改善啦。