豪園麵家

營業中

休息中

同同事行山之前，喺黃大仙附近搵地方食晏。就走咗過嚟呢邊，睇吓有啲咩快靚正嘅嘢可以食完即刻起行。快靚正嘅話莫過於茶餐廳。入到嚟嘅時候睇見個餐牌，本來係食牛腩粉，但係佢餐牌實在太多選擇花多眼亂，最後揀咗類似特餐嘅嘢。同事就健康少少叫咗個薑絲牛肉。我就叫咗個煎雞扒通粉，配薯條雞翼個雞扒煎得幾脆，但係冇底味。個雞翼都係，但係個外皮炸得脆脆實在太邪惡。好少茶餐廳仲有沙律，因為好怕佢會生水又唔襟擺。最正嘅係佢有波浪形嘅薯條，就好似細個食茶記嘅時候嘅雞髀薯條咁，另外見佢塊多士看得咁脆，就忍唔住加咗少少砂糖上去食真係邪惡到嘔，食飽飽之後就上山還債！下次先嚟試番佢個牛腩粉。