影片
更多
2012-08-20
66 瀏覽
自佢開業以來，我都偶有去幫襯呢間野o尋日就叫咗:1. 海南雞飯套餐:海南雞 - 煮得剛剛好，剛剛好熟，無變老到，味道都不錯油菜 - 只得一種菜揀(即係無得揀)，o尋日就係生菜，份量小咗啲囉雞油飯 - 睇落仲以為白飯，食落又有雞油味，問題係飯身超硬超乾 (胃病人士不宜食用)熱咖啡 - 係呢間最大賣點之一 (我個人認為)，應該係用捷x即磨咖啡整，不過整出幾好味 (好過大xx、尾深、乜咖啡...)2. 菠蘿雞絮炒飯 - 飯底炒得幾好食，不過我就嫌菠蘿香唔夠香口 (我估計係因為佢係用平價罐頭菠蘿)，如果用新鮮菠蘿會好好多囉跟餐要咗個渣咋 (呢間野第二個最大賣點，就係可以要糖水唔要野飲)3. 油菜(額外再叫多碟): 跟餐加埋額外再叫先等於1/4個生菜...真係少到呢 (我習慣晚餐食1斤菜芯+半斤肉)
o尋日就叫咗:
1. 海南雞飯套餐:
海南雞 - 煮得剛剛好，剛剛好熟，無變老到，味道都不錯
油菜 - 只得一種菜揀(即係無得揀)，o尋日就係生菜，份量小咗啲囉
雞油飯 - 睇落仲以為白飯，食落又有雞油味，問題係飯身超硬超乾 (胃病人士不宜食用)
熱咖啡 - 係呢間最大賣點之一 (我個人認為)，應該係用捷x即磨咖啡整，不過整出幾好味 (好過大xx、尾深、乜咖啡...)
2. 菠蘿雞絮炒飯 - 飯底炒得幾好食，不過我就嫌菠蘿香唔夠香口 (我估計係因為佢係用平價罐頭菠蘿)，如果用新鮮菠蘿會好好多囉
跟餐要咗個渣咋 (呢間野第二個最大賣點，就係可以要糖水唔要野飲)
3. 油菜(額外再叫多碟): 跟餐加埋額外再叫先等於1/4個生菜...真係少到呢 (我習慣晚餐食1斤菜芯+半斤肉)
題外話/補充資料：
呢間野嘅優點:
1. 去呢間最大好處係種類超多選擇，鐵板、拉麵、炒粉都飯...好多選擇 (有選擇困難者可能會變成揀唔到野食)
2. 坐位舒服 全部都係卡位 (我可以放我3個月bb上卡位瞓覺，我就慢慢食飯)
3. 咖啡係即磨咖啡
4. 跟餐可以要糖水唔要野飲
5. 9:30後有宵夜餐 (價錢大約係2x~3x)
6. 服務員有禮貌
7. 可以用八達通
缺點:
1. 貴 (比起附近其他茶記)
2. 有可能要等位 (附近茶記一般都唔駛等位)
3. 無電視睇
4. 無地方放bb車等大型物件 (要摺埋架車...不過因為卡位係軟墊設計，所以bb放上卡位都好舒服)
5. 食物一般要等得比較耐
(以上食評乃用戶個人意見 , 並不代表OpenRice之觀點。)
張貼