更多
2022-05-27
170 瀏覽
新港城二期開咗間新嘅茶星人,喺正合一堂隔離,今日試咗杯草莓雙朱脆皮($33),一開始見到有啲朱古力醬同埋粉紅色沉底,不過攪勻飲之後就唔覺,但飲飲下發覺原來裏面真係有啲朱古力脆皮一塊塊,就好似食朱古力脆皮雪糕嗰塊脆皮咁樣,打開杯蓋才發現原來都好大塊,好彩嘅係呢啲脆皮朱古力唔會太甜,如果唔係應該會好漏,杯嘢仲有少少士多啤梨果肉,我冇減甜度但係都覺得唔算好甜,幾適合女士。另外仲叫咗杯手工芋泥鮮奶(大$38),第一次飲呢個又覺得幾好味喎,芋泥唔會太杰但又帶口感,少少甜感覺仲幾飽肚。喜歡芋頭的朋友都應該試呢個由於雙朱脆皮無得加大,拍埋就覺得加$5大杯好多!
張貼