更多
2014-12-02
758 瀏覽
一家人食飯，本來想去另外一間小廚食，但因為人太多，所以轉陣去酒樓！有先頭部隊去等位，有位先叫我們起行，5大2小坐大廳中間圓中枱！大廳分兩大陣營，一邊食打邊爐，一邊晚飯小菜！我們坐小菜一面！店員會先上茶連一個熱水壺！（咁就唔使加咁多次水）冷氣超凍（可能另一邊火鍋緊，要加強冷氣，但我們呢邊小菜就頂唔順），大家加衫都頂唔順！肥髀直程再問店員攞披肩，大家揀好菜，叫店員落單，因為有叫大閘蟹，所以叫店員其他餸遲啲上！老三陽大閘蟹：$38一隻，6隻蟹比三套工具！ 唔夠分！鉸剪都可以共用，唔通要共用膠匙？ 雖然價錢平，蟹身有好多膏，啲膏漿口，黑醋內有蔥碎，點蟹好好味！但唔會有薑茶提供！食完店員有比濕紙巾抹手！鮑汁忟伊麵：鮑汁忟得入味！伊麵煙韌！夾雜鮮菇，好味！原汁原味西洋菜：清湯西洋菜，好清甜，西洋菜嫩口！好好味！大家連湯都清埋！燒腩仔：燒肉淋身，表皮香脆，肥瘦相間！不過黃芥辣好浠！完全掛唔到上燒肉！失色！七味豆腐：外脆內軟，豆腐好滑，表面灑七味粉，香但唔辣！好好味！脆皮燒雞半隻：本來想叫乳鴿，但賣晒，所以轉燒雞，雞皮好脆，雞肉嫩滑，點甜豉油好味！清蒸青斑仔：青斑唔大條，蒸得剛好，魚肉嫩滑，仲要
老三陽大閘蟹：$38一隻，6隻蟹比三套工具！ 唔夠分！鉸剪都可以共用，唔通要共用膠匙？ 雖然價錢平，蟹身有好多膏，啲膏漿口，黑醋內有蔥碎，點蟹好好味！但唔會有薑茶提供！食完店員有比濕紙巾抹手！
鮑汁忟伊麵：鮑汁忟得入味！伊麵煙韌！夾雜鮮菇，好味！
原汁原味西洋菜：清湯西洋菜，好清甜，西洋菜嫩口！好好味！大家連湯都清埋！
燒腩仔：燒肉淋身，表皮香脆，肥瘦相間！不過黃芥辣好浠！完全掛唔到上燒肉！失色！
七味豆腐：外脆內軟，豆腐好滑，表面灑七味粉，香但唔辣！好好味！
脆皮燒雞半隻：本來想叫乳鴿，但賣晒，所以轉燒雞，雞皮好脆，雞肉嫩滑，點甜豉油好味！
清蒸青斑仔：青斑唔大條，蒸得剛好，魚肉嫩滑，仲要蔥絲好嫩脆，索埋豉油一齊食！好味！
食物水準唔錯，人手唔係好夠，已經唔使點加水（熱水壺湛到無水，我都舉手加了一次水）全餐飯無換過碟，每次都要舉一陣手，吊高個頭一陣先有人理！不過叫到店員嘅時候都好禮貌，好像肥髀好凍，我問店員攞披肩都好爽手，披肩綠色格仔布！乾淨企理！都唔係話無服務！
張貼
