明都餐廳 (已結業)

星期二晚上搵嘢食，見食評幾好，同2個3歲以下小朋友快閃晚飯，一坐低我同伙記講要楊州炒飯，因為小朋友勁肚餓，打算叫個炒飯之後再睇食乜小菜。點菜要乜無乜，牛仔粒又無、牛仔骨又無、炒蜆又無、避風塘咸豬手又無⋯⋯最後勉強叫個石班魚塊加椒鹽豬扒，真係唔明7點未夠，乜都無，客人去食風？之後椒鹽豬扒到，個炒飯都未出現，問佢哋就話無落單，仲賴我地無落，我一坐低同個伙記講，佢好清楚話好，之後仲要我對質，個伙記知自己無落，一句對唔住都無，食咗餐十級勞氣嘅晚餐。食物非常一般，完全比之前食評誤導咗，一定無下次。