賓墟冰室

營業中

休息中

這間食店初初開業有食過，食物水平一般般，光顧不到五次。唯一好處開得較夜，想坐低食宵夜，除了街市美食城，會諗到呢度。今次黎食宵夜，一坐低侍應遞上消毒啫喱，問我要唔要洗手，打開餐牌介紹我晚市小菜宵夜有乜食。再望一望周圍牆壁張貼多張告示，內容大概係佢地被抹黑，老闆有武漢肺炎之類，但只係謠言。其實我都無聽過呢個消息，我入得黎食，都未必會理，我睇完，仲覺得不安。點了豬扒炒公仔麵，熱辣辣幾好食，豬扒肥瘦適中。凍檸茶味道不錯，宵夜餐盛惠55$。小插曲，食到條洗鑊鋼絲，差啲啃親。聽到員工言談間好擔心，因為生意淡薄了，員工好落力周顧客宣傳晚市小菜第二碟半價，可惜我得一條友。