祥仔 (永康街) (已結業)

之前一路好鍾意睇Viu TV嘅煮食真人騷，其中一位真人騷大廚就係祥仔。大廚開咗呢間茶餐廳已經一段日子，食品係有高級餐廳質素嘅茶餐廳食物，例如通粉佢會做carbonara、蕃茄豬扒飯係升級版、就連午餐肉都有自家製、常餐炸魚柳亦係極之精美，座位亦都寛敞舒適，所以呢度真係一個升級版嘅茶餐廳。好多年前大廚經營灣仔嘅餐廳我已經好喜歡呢道卡幫尼長通粉，佢用嘅煙肉好靚，長通粉嘅軟硬度剛剛好，面頭嘅芝士脆脆梗係香口。估唔到做茶餐廳佢亦都保留左呢度菜式，而且味道比以前佢經營嘅高級餐廳都絕對冇失色。蕃茄炸豬扒飯係我嘅最愛，一睇豬扒嘅炸粉已經知道不得了，用料一流，你切落去果下已經知道豬扒鮮嫩多汁，蕃茄飯亦都好正，完美配搭！另外我哋都叫咗紅酒燒豬扒，兩款豬扒嘅用料應該係一樣，所以味道都好好。兩款唔同豬扒嘅煮法各有特色，都值得嘗試。