小雪園 (已結業)

自從試過陳妙瑛開嗰間「江南美廚」後，對深水埗區上海店本已不存寄望，誰知，原來尚未絕望...但凡去新店諗唔到叫乜，最佳做法莫過於睇下隔離左右食乜，點左生煎包（$24 三個），肉鮮包嫩，包底煎得香脆，非常好食，小籠包、 韮王炒鱔糊，回鍋肉亦做得不錯，原全正宗上海菜口味，深得濃油赤醬之宗旨，回鍋肉肥廋相間，味道正宗，炒鱔糊鱔肉脆嫩，鱔肉份量亦多，九十多元亦物有所值，相比之下，小籠包變得平平無奇，第二晚忍唔住再買外賣回家，酸辣湯、炸子雞同蛋王炒蝦仁，酸辣湯材料豐富，夠酸夠辣，蛋王炒蝦仁，鹹魚香惹味，炸子雞味道不錯，但略嫌不夠脆皮，唯一要彈嘅係生煎包每日七點後例必沽清，憾事...