加藤屋 (已結業)

一直都有聽過加藤屋嘅大名，知道佢買嘅丼飯好平好大碗。最近上網見到佢長沙灣分店就快結束營業，終於的起心肝嚟試食，閒日嘅中午估唔到都有勁多人排隊買嘢食，個場唔算好多位，所以keep住好full。 加藤屋最癲係下午茶$20嘅飯，但壽喜燒湯好吸引，所以今日叫左牛肉鍋定食，配壽喜燒湯，total:$43成個餐非常豐富，有前菜：麻油味嘅泡菜一碟仔，有一碗飯，有壽喜燒牛肉鍋：鍋入面有椰菜，娃娃菜，豆腐卜，半隻蛋，牛肉，木耳，粟米，蘿蔔。仲有杯可樂價錢都只不過係$43勁抵食！壽喜燒湯底味道唔錯，雖然食食下覺得太甜，另一敗筆就係牛肉份量雖然都有成五六塊，但好鞋有渣，不過絕對對得住個價錢，個飯最後都食唔曬