Zeng

營業中

休息中

訂了檯，去到見到埋邊有幾張比較靜嘅枱，問佢可唔可以坐埋邊，佢話唔可以，嗰邊有人訂咗，我心諗我都係訂咗枱喎🌚 我同佢講呢張枱好嘈，根本聽唔到自己講乜嘢，但個侍應冇理我行咗去。好啦 咁照坐啦 喺我哋左右兩邊嘅枱勁大聲 嘈到我成餐飯都頭痛。最令我反感係，到我哋走嘅時候埋邊個一行枱（係幾張枱）一直都冇人坐過。其實呢啲係乜嘢服務態度？嘢食不過不失，但其實一間扮高級嘅餐廳明唔明白服務係佔好重要嘅元素。客人覺得坐得舒服氛圍係好緊要。我book咗枱，你夾硬要擺我係一張我覺得好嘈嘅枱，而明明埋邊嗰幾張枱全晚都冇人坐。我哋兩個人叫咗唔少嘢食，埋單都二千幾，我第一次去一間扮高級嘅餐廳而係選擇唔俾貼士。因為唔會有下一次。