影片
更多
2015-03-28
1934 瀏覽
約咗老死吹水，地點好重要，因為要好坐又唔趕客真係好難搵，咖啡店會比較好，通常坐耐啲都唔會趕，不過打極電話都無人聽，唔理照去，門口要等位，其實只有三枱客等緊位，都要等20分鐘先有位，室內燈光昏暗，裝修好似歐式殘舊feel,鐵枱面特別整到油漆剝落，牆上有仿鹿頭！西式水晶燈！向馬路一面做了好似玻璃露台或者溫室感覺，比較開揚，但對住條窄馬路，完全無境觀，咁open最後係令到客人比行人睇住食！我就唔鍾意，好在我們被安排坐大廳，枱與枱略迫，餐牌用報紙格式，落單食物好快到！脆香扭扭薯條（$68）：用個托盤連鋁罐仔上菜！有三款醬，薯條香脆，仲要好長！唔會碎濕濕！外脆內軟，重薯味，三款醬當中最喜歡個白色沙律醬，好濃，酸酸地開胃惹味！香芒莎莎配魚柳玉米脆夾餅（$148）：因為個賣相得意所以叫，細細件一人一件，薄脆餅脆口，不過無乜味！中間夾嘅蝦肉爽口，蔬菜粒粒新鮮，醬汁剛掛在餡料面，唔會滴汁！不過無唸過有薯條跟夾餅，味道一樣好味，不過只跟茄汁！無三款茄汁！蒜香虎蝦紅菜頭汁長通粉（$148）：個賣相特別，平常紅菜頭有陣菜青味，今次又無，紅菜頭顏色鮮豔，長通粉煙韌，蒜味唔重，虎蝦只有一隻，蝦肉淋身！好味！藍莓芝
裝修好似歐式殘舊feel,鐵枱面特別整到油漆剝落，牆上有仿鹿頭！西式水晶燈！向馬路一面做了好似玻璃露台或者溫室感覺，比較開揚，但對住條窄馬路，完全無境觀，咁open最後係令到客人比行人睇住食！我就唔鍾意，好在我們被安排坐大廳，枱與枱略迫，餐牌用報紙格式，落單食物好快到！
脆香扭扭薯條（$68）：用個托盤連鋁罐仔上菜！有三款醬，薯條香脆，仲要好長！唔會碎濕濕！外脆內軟，重薯味，三款醬當中最喜歡個白色沙律醬，好濃，酸酸地開胃惹味！
香芒莎莎配魚柳玉米脆夾餅（$148）：因為個賣相得意所以叫，細細件一人一件，薄脆餅脆口，不過無乜味！中間夾嘅蝦肉爽口，蔬菜粒粒新鮮，醬汁剛掛在餡料面，唔會滴汁！不過無唸過有薯條跟夾餅，味道一樣好味，不過只跟茄汁！無三款茄汁！
蒜香虎蝦紅菜頭汁長通粉（$148）：個賣相特別，平常紅菜頭有陣菜青味，今次又無，紅菜頭顏色鮮豔，長通粉煙韌，蒜味唔重，虎蝦只有一隻，蝦肉淋身！好味！
藍莓芝士餅（$43）：藍莓味清，蛋糕比較精緻，偏甜！
Pepper latte($52)：朋友飲，佢話一般！
Lemonade($43)：酸酸甜甜又夠汽，好清爽，解膩一流！
張貼
