Shining Star Bar & Restaurant

營業中

休息中

原本以爲係一間bar黎，點知入到去見到有好多野食揀，仲要係川菜同串燒，非常特別。水煮魚香港人接受到嘅辣度，麻味都足嘅。條魚索曬d汁嘅味之餘，仲保持到好滑，真係好有驚喜。燒虎蝦原本以爲bar嘅食物質素會好一般，但係佢地d串燒係燒得幾好，有燒物孜然嘅味道，但係又唔會燒到隻蝦好乾身。一口牛柳粒同隻蝦一樣，個火候啱啱好，牛柳粒好juicy。重慶燒茄子原本貪得意想睇下重慶燒茄子有咩特別，原來係原隻茄子切半上面鋪滿蒜蓉，中意蒜味嘅朋友唔可以錯過。七味魚翅好適合送酒嘅snack，有嚼頭，甜甜地應該有用蜜糖烤過。整體而言，食物質素好高，加上個環境又好chill，亦有唔少霓虹燈打卡位，幾適合一班朋友一齊黎。