更多
2014-02-17
8402 瀏覽
是日雙料情人節~聽講百年一遇~咁開心既節日~一於出街街食餐好架啦~傍晚5時45分~於灣仔工作既兜兜豬用接近光速既時間到達位於MCL JP戲院既OUTBACK~可能係我不知情既情況下~情人節同農曆新年睇齊左~成為左法定既"紅日"~係連鎖快餐仲賣緊下午茶既時間已經有6成既入座率~當晚OUTBACK提供了情人節套餐~價錢500多元~包2個餐湯~2個主菜及甜點....不甘受規管既我沒有點了情人節套餐..而是點了昆士蘭沙律及燒牛肉(8OZ)唔好誤會~OUTBACK出名既並唔係牛排而係佢既黑糖麵包~I AM LOVIN IT佢既黑糖麵包~送上台既時候暖暖的~外脆內軟~帶著微微既甜~配合自家製既忌廉牛油~真係好味到爆呀~我相信好多朋友對OUTBACK既包包都情有獨鐘~期望住佢門口外面會擺個櫃~賣埋包......又要食~又怕肥係我一直以來做人既宗旨~咁係兩方面取得平衡下~唯有食沙律啦~不過減肥既朋友記得唔好落汁啦....講起個汁~我每一次都會點佢既藍芝士醬....呢個醬用黎搽麵包同撈沙律食~效果都唔錯...餐牌上面描述呢個沙律有"雞肉,蕃茄,菜........仲有杏仁"我見到"杏仁"呢2個字..已經要
傍晚5時45分~於灣仔工作既兜兜豬用接近光速既時間到達位於MCL JP戲院既OUTBACK~
可能係我不知情既情況下~情人節同農曆新年睇齊左~成為左法定既"紅日"~係連鎖快餐仲賣緊下午茶既時間已經有6成既入座率~
當晚OUTBACK提供了情人節套餐~價錢500多元~包2個餐湯~2個主菜及甜點....
不甘受規管既我沒有點了情人節套餐..而是點了昆士蘭沙律及燒牛肉(8OZ)
唔好誤會~OUTBACK出名既並唔係牛排而係佢既黑糖麵包~I AM LOVIN IT
佢既黑糖麵包~送上台既時候暖暖的~外脆內軟~帶著微微既甜~配合自家製既忌廉牛油~真係好味到爆呀~我相信好多朋友對OUTBACK既包包都情有獨鐘~期望住佢門口外面會擺個櫃~賣埋包......
又要食~又怕肥係我一直以來做人既宗旨~咁係兩方面取得平衡下~唯有食沙律啦~不過減肥既朋友記得唔好落汁啦....講起個汁~我每一次都會點佢既藍芝士醬....呢個醬用黎搽麵包同撈沙律食~效果都唔錯...餐牌上面描述呢個沙律有"雞肉,蕃茄,菜........仲有杏仁"
我見到"杏仁"呢2個字..已經要定左佢...事關我覺得所有加左杏仁既食物都會變得好可口...
可惜事與願遺..佢既沙律~用料新鮮係真既~味道不錯都係真既~不過成碟野一片"杏仁"都無...好失望,空虛,難過......
跟據呢個咩野商品說明條例...我有想告佢既唸法...隨之牛肉亦都送上~
相中係第2次送來的牛肉~本身送上的是筋位的部分~男朋友吃了一口之後就要求要換貨...而侍應哥哥亦都禮貌地幫我地換了一碟新的...而佢既服務態度令我心入面對"杏仁"既執著慢慢忘記....唔知係我咀刁左定係OUTBCK如一眾朋友所講質素差左...佢既牛排真係無以前咁好食...不過唔緊要啦~我係黎食麵包架嘛..佢既牛排質素雖然下降,不過佢既薯條和焗薯依然美味的
總結:
昆士蘭沙律8/10) $130佢既沙律相當夠份量...用料新鮮..."杏仁"只是個人喜好~整體質數素都不錯...不過價錢就偏貴~叫一個小食才70-90大元~不是為了身材我才不會吃草...
燒牛肉8OZ7/10) $200...咁呢200蚊唔係剩係比件排既...佢仲有個餐湯同埋2個配菜~個人覺得味道係差DD架啦...不過份量搭夠啦...
小二最後結帳370大洋~如果情人節黎講都叫便宜架啦....
另外值得一題既~OUTBACK既會員卡係可以上佢既官方網頁申請~填小小資料就OK~一D都唔麻煩~呢張會員卡內置50大元~同埋有折扣架~詳情上佢既網頁望下啦..張會員卡會寄過去你屋企架~
張貼
