Mano (The L. Square)

今晚嚟L Square覓食，冇訂枱好在夠早到，侍應帶我地去咗中間嘅一張二人枱，有置物籃坐得都算舒服。餐廳有$888嘅二人餐，會有齊晒沙律、湯同兩款主菜，選擇都多但因為我地唔想食太飽就散叫。北海道帶子三文魚子龍蝦汁扁意粉：先讚餐廳真係對得住佢「Mano」呢個店名，手工意粉口感非常出色，龍蝦汁唔會過份濃味。意大利傳統烤腩卷：好邪惡嘅一道菜！但又比想像中冇咁膩，真係需要切走嘅肥肉唔算太多，豬皮微脆連埋啲肉口感非常嫩滑，欣賞佢嘅配菜，沙律菜個汁好開胃，辣肉腸炒lentils有驚喜，好惹味食唔停口。最後order咗個tiramisu，意大利餐廳出品嘅tiramisu真係冇得輸，手指餅夠濕潤，cream又夠滑👍🏻