影片
更多
2009-07-12
56 瀏覽
(有相) 女仔多數食唔哂既厚切一吋 Prime Rib@Lawry'shttp://hk.myblog.yahoo.com/goodboy_philip/article?mid=35530年輕時, 0係楓葉國生活狂食燒牛肉 (好似食 buffet 成件扎住0個 d), 即焗即食, 大大件多肉汁, 好味到飛天, 番到香港仍然搵唔到代替品, 久聞銅鑼灣利圜既 Lawry's 的 Roasted Beef 大件又好味! 結果好唔好食?又睇落去?地址: 銅鑼灣希慎道33號利園4樓門口右手邊有個 board, 介紹 Lawry's 扒房源於 1938 年美國比華利山, 因為牛扒太出名, 仲跳出左美國, 0係其他地方都有分店, 除左香港之外, 當然仲有東京啦! 唔好講咁多, 快 d 入去食啦! 入面有大廳同私人偏廳, 紅色 sofa, 格調好幾 grand 下! 明顯唔係我呢 d 食慣回轉壽司既"孩子"黎既地方, 不過久不久變"大人"又何妨? wakaka...話明食牛扒, Menu 上有四款, 分別在於個切法, 最小既係 6 oz California Cut $335, 最大既係 The Di
http://hk.myblog.yahoo.com/goodboy_philip/article?mid=35530
年輕時, 0係楓葉國生活狂食燒牛肉 (好似食 buffet 成件扎住0個 d), 即焗即食, 大大件多肉汁, 好味到飛天, 番到香港仍然搵唔到代替品, 久聞銅鑼灣利圜既 Lawry's 的 Roasted Beef 大件又好味! 結果好唔好食?又睇落去?
地址: 銅鑼灣希慎道33號利園4樓
門口右手邊有個 board, 介紹 Lawry's 扒房源於 1938 年美國比華利山, 因為牛扒太出名, 仲跳出左美國, 0係其他地方都有分店, 除左香港之外, 當然仲有東京啦! 唔好講咁多, 快 d 入去食啦! 入面有大廳同私人偏廳, 紅色 sofa, 格調好幾 grand 下! 明顯唔係我呢 d 食慣回轉壽司既"孩子"黎既地方, 不過久不久變"大人"又何妨? wakaka...
話明食牛扒, Menu 上有四款, 分別在於個切法, 最小既係 6 oz California Cut $335, 最大既係 The Diamond Jim Brady Cut 16 oz $540, 價錢當然係按 size 計, 每款亦跟沙津同伴碟薯蓉, 酥餅。
Table Bread 法包有薄脆有皮韌兩款, 我當時有 d 肚餓, 明知跟住落黎有超大件牛肉食, 都搽搽牛油食左三塊, 就當係熱身! haha...
食牛配紅酒, 好味唔會嘔, 打我都唔走!
Lawry's 自家製既鹽同胡椒, seasoned salt 落少少, 咸味比普通鹽激烈得多!
The Famous Original Spinning Bowl Salad 冰旋翡翠沙律: 著住"女僕"既侍應小姐推黎搬來餐車, 有個大大銀兜, 使出扒房出名既冰旋絕技, 個銀兜一轉, 手上既 salad dressing 好似拉茶咁注落去, 轉呀轉呀玩個小雜技!
上碟有蛋, 細粒 cherry 蕃茄, 甜菜 Beetroot 等, 仲遞上 chilled fork 涷親隻手! wakaka...
近牌一見"蝦" 就諗起蛯原友里, 因為佢就黎黎香港, 幫銅鑼灣 JFT 開幕剪綵!
Fresh Crabmeat Au Gratin 芝士釀蟹蓋: Size 同網上睇既唔同, 介紹既相蟹肉有幾層, 呢個好似縮左水, 實物蟹肉只有一層, 入面真係鮮蟹肉。
Creamed Corn 唔好睇少 d 栗米, 甜甜地有奶油味, 連埋個牛扒伴碟既酥餅食好好味!
近牌睇完變型金剛上了腦, 懷疑呢架餐車會變成變型金剛! wakaka...身型大大隻既廚師堆架餐車埋枱揭開個 "車蓋", 按你要求既生熟程度同 Cut 去切, 最薄 The California Cut 加州薄切, The English Cut 英式三片切, The Lawry Cut 招牌美味切, 同埋最厚切 The Diamond Jim Brady Cut 金百帝厚切。
The Diamond Jim Brady Cut: 其實 order 呢個 cut 好危險, 因為肉太厚煮得唔好, 同咬到口都軟...medium rare, 再生一點更好, 上碟有一吋厚, 頭半塊完全唔加 Lawry's 自家製既鹽同胡椒, 不過...肉味唔太濃, 肉汁唔算多, 肉質亦唔係我所期待...可能我以食過最好味既燒牛肉做比較!
Lawry's 味道好, 不過未算最好! Size 成吋厚則合心意, 令我 "大" 滿足, 起碼食完唔使再食第二餐後補! wakaka...
另外, 碟上既 Mashed Potatoes 薯蓉中空加 Gravy, 0係牛肉側邊變成二打六...反而 Yorkshire Pudding 烘酥餅甜甜地似雲妮拿加朱古力味也不錯! 一定要趁熱食!
The English Cut: 友人食既 The English Cut , 食唔哂 pass 左過黎比好孩子食, 口感比 Diamond Cut 好, 胃口唔大既 order 呢個都會滿足既!
The Lawry Cut: 大約有 7 mm 厚, 都係來自變型金剛餐車的!
Warm Chocolate Fantasy Cake: 似係心太軟, 不過唔係, 0係朱古力蛋糕上淋上熱朱古力醬, 蛋糕超甜!!! 一定要連埋雲妮娜雪糕食, 咁一熱一涷就好味得多了! 再有鮮忌廉, 有 quota 唔怕肥連蛋糕一齊食啦?
如果有人生日, order 前同侍應講講, 佢地會安排唱生日歌同蛋糕, free service 黎架!
環境: 4 (有大廳同私人偏廳, 紅色 sofa, 格調好, 不過大廳幾嘈, 如果同愛人去 numb, 可以 order 角落位, 靜靜地。)
衛生: 4 (非常清潔, 變型金剛餐車亦一"油"不染!)
服務: 4 (有禮貌, 講解詳盡!)
設計: 3.5
味道: 3.5 (以牛扒水準值三星至三星半!)
價錢: 2 (400-1000 一個人, 紀念飯既價錢。)
最終評分: 3 或者期望太大, 我相信香港有更好的牛扒! 問問好兒童香港有邊間扒房好, 佢彈左兩間比我, 一間0係尖沙咀, 一間0係中環, 有機會試過話你知好唔好食啦!
lawry's,lawrys,prime rib,steak,扒房,銅鑼灣,利園,好孩子,日本
張貼
