更多
2024-02-10
251 瀏覽
💎總評分:7.0/10-最近銅鑼灣開左間裝修好靚嘅西餐 - Bochord原來喺古代英語入面嘅意思係嘅圖書館,所以裝修到成個歐陸貴族風藏書閣咁,胡桃木書架放滿古書裝飾,枱與枱之間有足夠空間感,坐窗邊嘅話仲可以飽覽海景,每晚都有人唱live,氛圍好到位!1️⃣ Red Prawn Tartare $268熟嘅紅蝦就食得多,tartare真係第一次食,賣相非常精緻2️⃣ Lobster Bisque with Puff Pastry $138 鐘意飲湯嘅一定要叫!成功掌握到酥皮同龍蝦湯兩樣高難度嘅野。新鮮焗好立即拎上枱,酥皮超脆一敲即碎,入面嘅龍蝦湯隨住熱煙傳出香味,煮得鮮甜濃郁,無可挑剔。3️⃣ Australian Black Opal Wagyu Sirloin 250g $588餐廳出名grill,今次叫左澳洲M6和牛medium rare,中間煎得粉嫩,牛味重,脂肪唔多唔會食到成口油,但入口無渣唔會好韌,雖然唔係steakhouse但係質素相當唔錯。4️⃣ Spanish Seafood Paella $398店員推介嘅main之一,半隻龍蝦訓喺上面夠晒吸睛,個人覺得水準幾高,用左蝦嘅精華煮成
-
最近銅鑼灣開左間裝修好靚嘅西餐 - Bochord原來喺古代英語入面嘅意思係嘅圖書館,所以裝修到成個歐陸貴族風藏書閣咁,胡桃木書架放滿古書裝飾,枱與枱之間有足夠空間感,坐窗邊嘅話仲可以飽覽海景,每晚都有人唱live,氛圍好到位!
熟嘅紅蝦就食得多,tartare真係第一次食,賣相非常精緻
鐘意飲湯嘅一定要叫!成功掌握到酥皮同龍蝦湯兩樣高難度嘅野。新鮮焗好立即拎上枱,酥皮超脆一敲即碎,入面嘅龍蝦湯隨住熱煙傳出香味,煮得鮮甜濃郁,無可挑剔。
3️⃣ Australian Black Opal Wagyu Sirloin 250g $588
餐廳出名grill,今次叫左澳洲M6和牛medium rare,中間煎得粉嫩,牛味重,脂肪唔多唔會食到成口油,但入口無渣唔會好韌,雖然唔係steakhouse但係質素相當唔錯。
店員推介嘅main之一,半隻龍蝦訓喺上面夠晒吸睛,個人覺得水準幾高,用左蝦嘅精華煮成嘅米飯濕潤度同味道都調得剛好,其他配料仲有蠔、魷魚、三文魚,仲有淡淡肉嘅龍蝦,好豐富令人回味。
環境同服務方面都無咩好挑剔,喺呢個地段價錢算係合理,so far今次食嘅野都好滿意,要特別講下佢地嘅drinks menu幾extensive,wine list同cocktail都好多選擇,不過呢日小編唔係好舒服就無叫到,等到二訪一定會再試。
張貼