影片
更多
2020-05-31
337 瀏覽
平時好鍾意睇韓劇，成日見到啲主角食炸雞，有時喺Youtube 睇Mukbang 又見到啲吃播食炸雞，搞到我成日都想食，而且我真係好鍾意食炸雞🍗知道原來香港都有BHC 炸雞，素聞呢間嘢喺韓國係5大炸雞店之一，所以今日就來試試！之前試過另一間炸雞店，但經驗不太愉快，當時嗰間嘅雞肉炸到好乾，層皮啲炸粉又好厚，食左 2 舊已經唔想再食落去，所以今次來食BHC Chicken 都有少少驚會失望，食之前都唔敢抱太大期望，去到坐低，知道啲人通常推薦食 뿌링클 Cheese Powder 味，或者Curry Queen 味，咁之前係另外 2 間炸雞店都試過Cheese 味的了，所以今次就揀咗 Curry Queen 味，我特別喜歡食雞槌，幾喜歡BHC 有得俾人揀要全隻 / 雞翼 / 雞槌，唔會限死一定要叫全隻，要食埋其他唔太多肉的雞件，所以我就叫左雞槌～Curry Queen 炸雞 （Drumsticks）$188，總共有 6 件雞槌，一端上桌，已經聞到好香好香！！賣相都很不錯，攞一件上手，哇～ 一攞上手已經feel 到個皮好鬆脆！！一食落口，個皮真係炸得好好，唔會一大層炸粉，薄薄的，好香好鬆脆，入面
搞到我成日都想食，而且我真係好鍾意食炸雞🍗
知道原來香港都有BHC 炸雞，素聞呢間嘢喺韓國係5大炸雞店之一，
所以今日就來試試！
之前試過另一間炸雞店，但經驗不太愉快，當時嗰間嘅雞肉炸到好乾，層皮啲炸粉又好厚，
食左 2 舊已經唔想再食落去，
所以今次來食BHC Chicken 都有少少驚會失望，
食之前都唔敢抱太大期望，
去到坐低，知道啲人通常推薦食 뿌링클 Cheese Powder 味，或者Curry Queen 味，
咁之前係另外 2 間炸雞店都試過Cheese 味的了，
所以今次就揀咗 Curry Queen 味，
我特別喜歡食雞槌，幾喜歡BHC 有得俾人揀要全隻 / 雞翼 / 雞槌，
唔會限死一定要叫全隻，要食埋其他唔太多肉的雞件，
所以我就叫左雞槌～
Curry Queen 炸雞 （Drumsticks）$188，
總共有 6 件雞槌，一端上桌，已經聞到好香好香！！賣相都很不錯，
攞一件上手，哇～ 一攞上手已經feel 到個皮好鬆脆！！
一食落口，個皮真係炸得好好，唔會一大層炸粉，
薄薄的，好香好鬆脆，
入面雞肉都唔乾，好厚肉，每隻槌都好大隻，
而且個咖喱粉，咖喱味同時帶少少甜（仲好似食到有少少Cheese 味），真係好香好香！
我地 2 個人，每人食左 3 件之後，雖然好夠飽了，但仍然回味無窮，
爭啲想「畢」埋碟上啲咖喱粉來食 😂
Curry Queen 炸雞（全雞槌）
$188
39 瀏覽
0 讚好
0 留言
另外仲有一直都好想試、成日見到啲韓國人食嘅Cheese Ball，$58 / 5 舊，
外皮一樣好鬆脆，好香口，
入面啲芝士好濃好煙韌，芝士份量好厚，
而且，一咬落去，仲拉咗條好好好長嘅絲，我第一啖條絲拉咗成分鐘都無斷開，真係無誇張 😍
第二啖再咬，都仲有拉絲 😍
不過食完第一粒之後，因為等左一陣，先再食第二粒，
可能已經涼咗了，第 2 粒同打後再食嗰啲，就無拉絲了～
不過都仲係好好食！所以呢個Cheese Ball，最好都係趁熱食！
Cheese Ball
$58
30 瀏覽
0 讚好
0 留言
整體來講，BHC 真係有驚喜！
估唔到暫時喺OpenRice 未係好多正評（可能因為喺香港開咗唔係好耐？），
係其中一間我食完覺得好難忘嘅炸雞，
難怪話係韓國 5 大炸雞店之一 😍
我一定會再來食 😍
張貼
