黑門水產すいさん (Fashion Walk)

#ftf_銅鑼灣🇯🇵媲美大阪 黑門水產🎏去過大阪黑門水產就知，香港兩間分店我都食過，刺身同食物質素都真係媲美日本！而且和風嘅裝修真係暖洋，超舒適！同尖沙咀分店一樣，每一種食物都用心製作，師傅果然真係冇偷懶，哈哈！梭子魚刺身 $468⭐️⭐️⭐️⭐️⭐️今日率先跑出嘅頭馬，鮮味十足，表皮用火槍辣一辣，配上特調醬汁更香口！海膽蟹味噌甲羅燒 $128⭐️⭐️⭐️⭐️⭐️海膽、太子、蟹膏蟹肉加埋香蔥同鵪鶉蛋，呢個配搭，你話點會唔惹味？！大阪木津海鮮丼 $268⭐️⭐️⭐️⭐️⭐️淨係魚生刺身都有六款，你睇佢幅圖就知有幾多海鮮，但略嫌刺身有啲薄。飯底係有味飯，淨係飯都香到掛住食，所以冇影到， sorry ！哈哈！煙燻三文魚活火山 $128⭐️⭐️⭐️⭐️呢個有驚喜！三文魚好難唔好食，但其實都好難做得出色，呢一個入面有青瓜壽司，煙燻香氣加埋炸香蔥，所有配搭連埋一齊，口感味道多層次得來又出奇地夾！黑門大阪燒 $98⭐️⭐️⭐️⭐️粉漿調得啱啱好，蛋味香濃，配上大量木魚絲連埋下底嘅豚肉，出色！不過燒汁有啲重味，小小鹹咗啲。🍴 黑門水產すいさん (Fashion Walk) (銅鑼灣)📍銅鑼灣加寧街5-7號Fashion Walk地下C及D號舖回頭