麗姐私房曲奇 (已搬遷) 新店位置

為食嘅我日日都會睇吓團購網有冇D食得嘅又係自己冇食過嘅野，又比我見到麗姐私房曲奇用$17買100g嘅團購，我緊係又買嚟試吓啦！去到換餅嘅時候職員好有禮貌，咁當然有saIe吓其他產品啦！我同佢講要返去食吓啱唔啱口味先，佢一樣好有禮咁送我出門口，講真有咁嘅服務態度未食都覺得甜啦！團購雖然只可以換取紅莓燕麥曲奇但係就可以令我囡對依種曲奇改觀，紅莓酸酸甜甜，燕麥香脆，牛油又香，一個字購晒正！其實洗咩同D自由行掙排隊吖！