香港茶餐廳 (已結業)

同朋友行銅鑼灣想食飯，有選擇困難症嘅我哋行嚟行去都唔知去邊度食好，點知行行下見到有人派傳單喎，話呢間香港茶餐廳開業一周年有優惠，咁咪去試下囉。可能時間有啲晏啦（九點幾），鋪頭都已經無乜人，咁我哋兩個人就odd odd地咁坐低，嗌咗個有優惠嘅二人套餐，個餐包一碟海南雞、一個煲、例湯、白飯，重有嘢飯，都係$98，銅鑼灣嚟講選係咁啦。海南雞係好食嘅，好滑唔鞋口，但係略嫌雞肉唔夠雞味啦，搞到我要成日點汁先食 LOL不過呢個薑葱斑腩煲係正嘅，熱辣辣，薑葱味好香好香，斑腩都好好味，味道恰到好處唔會太鹹，亦都可以筆少少煲底嘅汁嚟送飯食，好惹味架！我哋兩個都食得好開心，份量望落唔係好多但係都食得好飽，加上有優惠係開心嘅 你哋行開銅鑼灣都可以試下  佢哋重有好多其他菜式架！